کوئٹہ۔ 04 ستمبر (اے پی پی): بلوچستان ءِ سروزیر میرسرفرازاحمد بگٹیءَ گشتگ کہ ناشرکار ارزانیں ہدفءَ نشانگ جوڑ کناں، بلوچستان ءَ ناشرکاراناں ایچ وڑیں رعایت دئیگ نہ بیت، حکومت بلوچستان نودربرآناں سکالرشپ ءِ سرءَ ہارورڈ ءُ آکسفورڈءَ دیم دئیگءَ ایں وہدے کہ بشیر زیب آناں وت کُش جوڑ کنگءَ ایں، بلوچستان ءِ اُلسءَ را پیلسہ کنگ لوٹ ایت کہ کئے آیانی ھاترءَ پہ حک کار کنگءَ ایں، بلوچ دائمءَ جنگءُ جدل ءِ تہا بوتگ اَنت بلے آ جنگ مدام پہ ننگ ءُ دودءُ ربیدگ ءِ ھاترءَ بوتگ اَنت، اے ناشرکار گپءُتران ءِ نامءَ معصومیں مردماناں کُشگءَ اَنت، ما بار بار اے گپءَ بگوشاں کہ ایچ بلوچ ءَ پشتونءُپنجاپی نہ جتگ اَنت بلکیں ناشرکاراں پاکستانی آناں شہید کتگ۔ اے ھیالانی درشانی آئیءَ صوبائی کابینہ ءِ دیوان ءَ گوں تران کنان ءَکتگ۔ دیوان ءَ ناشرکاری ءِ وئیلاں شہید بوتگین ورناہ آنی ھاترءَ پاتحہ وانگ بوتگ۔ بلوچستان ءِ سروزیر میرسرفراز بگٹی ءَ گشتگ کہ بلوچستان ءَ ناشرکاری ءِ وئیل گیش بوھان اَنت ءُ ایشی ءِ سرءَ بلوچستان اسمبلی ءِ باسکاں یکجاہی ءَ ناشرکاری ءَ را ایر جتگ، مرچی صوبائی کابینہ ہم بلوچستان ءِ مردمانی توار اشکتگءُ اے وئیلاناں ایر جنت ، ایرجنگءَ ہوار کابینہ ءِ کلوہ ایں کہ اے مُشتے پُر ناشرکار ارزانیں ہدفء َ را نشانگ جوڑ کنان ءُ معصومیں شہری آناں شہید کناں۔ آئیءَ گشتگ کہ اے ہُشکیں نام ءِ جنگءِ نان کاؤنٹک ریسپانس ما دوستانی سرءَ ایں ، بلے المی ایں کہ گورننس ءِ ماڈل ءَ ر ا گہتر بہ کن اَنت، مارا یک کِشکےءِ نیمگءَ دیم کنگی ایں کہ اے نیمگءَ لھس بلوچءَ را مئے گامگیجءَ چہ پائدگ بہ رسیت۔ پیسرءَ ہم صوبائی وزیرءُ سیکرٹری آناں پنتءُ شون کتگ ک گورننس ءِ گہتری ءِ ھاترءَ ما درستاناں یکجاہ ہوار کار کنگءِ ضلورت ایں ، ہرچ وزیر یا سیکرٹری ہرچ ضلعءِ ترءُتابءَ بہ کنتءُ جاورھالانی چارءُ تپاسی ءَ بہ کنت۔
