اسلام آباد۔4ستمبر (اے پی پی):مسلم لیگ (ن) ءِ کلانہ ایں سروک مزن وزیر ءِ مشیر رانا ثنا اللہ ءَ پارلیمانی ڈلءِ ھمبراہی ءَ چار شمبے ءِ روچ ءَ پارلیمنٹ لاجز ءَ بلوچستان نیشنل پارٹی ءِ سروک اختر مینگل ءَ گند ءُ نند کت۔ ڈلءَڈاکٹر طارق فضل چوہدری ، سینیٹر عثمان بادینی ، اعجاز جاکھرانی ءُ خالد مگسی ھوار اتنت۔ گند ءُ نند ءَ چہ پد مشیر رانا ثنا ء اللہ ءَ ھال رسانکی در آں گوں تران کنان ءَ گوشت کہ سردار اختر مینگل مئے برات ءُ کلانہ ایں سیاستدان ات۔ بلوچستان ءَ آئی ءِ پارٹی ءَ ٹوھیں ارزشت ءِ است انت۔ آئیءَ گوشت کہ سردار اختر مینگل ءِ پیسلہ ءِ سر ءَ سرپرائز بوتگ آں۔ مرچی ما یکجا نشتگ ءُ وت مہ وت تران کتگ ارچی ناراضگی است انت ایشاناں کوشش کناں کہ دور بکناں۔ ءُ آئی ءَ را وتی ھمبراھی ءَ بہ زوراں ءُ بہ جنزاں۔ آئیءَ گوشت کہ ما سردار اختر مینگل ءَ گوں دزبندی کتگ کہ آ پارلیمنٹ ءِ بھر بہ بیت ءُ بلوچستان ءِ واستہ وتی جہد ءُ کوشست ءَ را برجا بہ بدار ائیت۔ آئیءَ گوشت کہ ما استعفیٰ واپس زورگ ءِ واستہ آئی ءَ را دوارگ ڈال چار کنگ ءِ دزبندی کتگ۔ اے ھوالگ ءَ چہ گپ بوتگ ءُ مارا امیت انت کہ مئے دزبندی منظور ھم بیت۔ آئیءَ گوشت کہ ما اختر مینگل ءِ گپ آناں گوشداشتگ ءُ ایشاناں مزن وزیرءُ ایندگر آناں اے ھوالگ ءَ سرپد ھم کناں۔ مزن وزیر ءَ را بریف کنگ ءَ چہ پد دیمتری گامگیج گیش ءُ گیوار کنگ بیت۔
