اسلام آباد۔4ستمبر (اے پی پی): بنجاھی وزیر تہی کار محسن نقوی ءَ گوں چیئرمین بنجاھی رویت ہلال کمیٹی پاکستان مولانا سید محمد عبدالعزیز آزات ءَ گوں گند ءُ نند کت ایشی ءِ اندر ءَ آئی ءَ ایمنی ءُ ناشرکاری جنگ ءُ چوپ آنی ھلاسی، نیک راھی یکوئی ، ساپ سلہ ائی ءُ پرکہ آنی وت مہ وتی یکوئی ءَ را دیمروئی دیگ ءِ واستہ گامگیج آنی بابت ءَ ھیال ریچی کنگ بوتگ۔ وزیر ءِ تہی کار محسن نقوی ءَ گوشتگ کہ ناشرکاری ءِ ھلاپ ءَ جنگ ءَ عالم آں اولی سر ءَ راج ءِ سروکی کتگ ءُ انوں ھم سک باز ضلورت انت۔ ناشرکاری ءِ ھلاپ ءَ جنگ ءَ جوانیں بیانیہ ءِ واستہ توامیں پرکہ آنی گوما شور ءُ مشور کنگ بیت۔ آئی ءَ گوشت کہ عالم آں گوں شور ءُ مشور ءِ واستہ راجی گامگیج آناں زور بنگیج کنگ بیت۔ ناشرکاری ءِ ھلاپ ءَ جنگ ءَ پاکستان ءِ برجائی ءِ جنگ انت۔ اے نہ وشی آنی ھلاسی ءِ واستہ عالم آناں یک رند ءِ پد ءَ وتی بے دروریں کرد پیلو کنگ لوٹ ائیت۔ ناشرکاری ءِ ھلاپءَ جنگ ءَ پاکستان ءِ برجائی ءِ جنگ انت۔ اے نہ وشی آنی ھلاسی ءِ واستہ عالم آناں یک رند ءِ پد ءَ وتی بے دروریں کرد پیلو کنگی انت۔ عالم آناں مدام پاکستان ءِ جوڑیشت ءُدیمروئی ءَ وتی کرد پیلو کتگ۔ آئی ءَ گوشت کہ دژمن بد ایمنی شنگ ءُ تالان کنان ءَ جنگ ءُچوپ پیداک کنان ءَ راجی یکوئی ءَ را تاوان پجاری کنگ لوٹ ائیت۔ درستاناں یکجا بوھگ ءُ دژمن آنی ناپاکیں ایجنڈا آناں ناکام جوڑ کنگی انت۔ مولانا سید عبدالخیر آزاد ءَ گوشتگ کہ پاکستان ءِ کلوہ پاکستان ءِ ھما تران انت کہ ایشی ءَ چہ ناشرکاری، کشاں چیل ءُ پرکہ واری جنگ ءُ چوپ ءَ را حرام نامینتگت۔ استیں جاور آںی تہءَ نیک راھ آنی وت م لوتی یکوئی ءُ راجی یکوئی ءِ واستہ درستاناں کرد پیلو کنگی انت۔ پاکستان ءَ ایمنی ءِ برجائی ءِ واستہ وزیر ءِ تہی کار محسن نقوی ءِ کوشست ءُ ازمت لائک ءِ ستا انت۔ آئیءَ گوشت کہ ناشرکاری ، کشاں چیل ءِ ھلاسی ءِ واستہ سرجمیں راج وتی دلیریں ارد ءُ سیکورٹی ادارگ آنی گوما ھمگام ءَ اوشتاتگ۔ وزیر ءِ تہی کار محسن نقوی ءَ مولانا عبدالعزیز آزات ءِ نیک راھی کار، یکوئی ءُ وحدت ءِ ھوالگ ءَ چہ ازمت آناں ساڑات۔
