اسلام آباد۔ 04 ستمبر (اے پی پی) اسپیکر قومی اسمبلی سردار ایا ز صادق پنی آ آرٹسٹ و راجی کارندہ جمی انجینئر ءِ حکومت پاکستان نا کنڈآن ہلال ءِ امتیاز کن پندار مننگ آمبارکبادی تسنے۔ چارشنبے نادے آ قومی اسمبلی سیکرٹریٹ آن جاری بیان نار داٹ اسپیکر پارےکہ ہلال ءِ امتیاز کن پنداری جمی انجینئر نا فائن آرٹس نا بشخ اٹی سخت خواری وبے مٹ خذمت آتا ڈیک ءِ۔ جمی انجینئر نا مصوری نا بشخ اٹی بے مٹ کاریم نا ستاءِ کرسا اسپیکر پارےکہ اونا کاریم کینوس آن مون آ ہنسا راج انا نادار و پدسلوک تپہ غاتا زند ءِ سرمریک۔اوپارے کہ معذور و بے سیبو بندغ آتیکن 260 آن زیات آگاہی پروگرام تا اڈتننگ اٹ اونا کوشست آک دابندغ آتا ویل آتے قومی کہول آ تالان کننگ اٹ اہم کڑد ادا کرینے۔ فائن آرٹس نا بشخ اٹی جمی انجینئر بھے مٹ سرسہبی دوئی کرینے، اونا ہزار آ پینٹنگ، ڈرائینگ، و خطاطی ناوڑ100 آن زیات نمائش آتیٹی پاکستان و پیشن ناملک آتیٹی پیش کننگانے۔ اونا کاریم ءِ مچ آ دنیا ٹی آرٹ ناشونقی تا کنڈآن بھاز پذیرائی ملانے، ہرااونا تخلیقی لائخی وفن اکن اونا عزم انا ڈیک ءِ ۔ اسپیکر داوڑنا بھلا لائخی تا خواجہ شخصیت آتا است بڈی ءِ کننگ و اوفتا خذمت آتے مننگ نا گرج آ زورشاغا۔ اسپیکر راجی بشخ اٹی جمی انجینئر نا خذمت آتے خراج تحسین پیش کرسا ایلوفتے ہم اونا تقلید کننگ نا گرج آ زور شاغا۔
