خضدار۔02 جولائی(اے پی پی) خضدار ئَ دگ ئِ سر ئَ دو گاڑی آں وت مہ وت ٹوکر وارتگ یک زالبول ئِ بیران بوتگ، سئے مردم ٹپیگ بوتگ اَنت۔ وڈھ لیویز ئِ رد ئَ یک شمبے ئَ راجی دگ ئِ سر ئَ وڈھ کراڑو ئِ ھند ئَ دو گاڑی آں وت مہ وت ٹوکر وارتگ۔ وئیل ئِ نتیگج ئَ یک زالبول ئِ موہ ئِ سر ئَ بیران بوتگ وھدیکہ سئے مردم مولوی عبدالباری شاہوانی، حضور بخش شاہوانی ئُُ یک زالبول ساکن کھنڈ ٹپیگ بوتگ اَنت۔ آواناں جان سلامتی کمک ئِ ھاترا نادُراھ جاھ ئَ سر کنگ بوتگ۔ بیران ئُُ ٹپیگ بوتگیں مردم آنی سیادی یکیں ھاندان ئَ گوں گوشگ بوھگ ئَ اِنت۔

متعلقہ مضامینمصنف کی طرف سے مزید