اسلام آباد۔3ستمبر (اے پی پی): مزن وزیر محمد شہباز شریف ءَ گوشتگ کہ کراچی ملک ءِ ارزشتیایں شہر ءُ ملک ءِمعیشت ءِ سرین ءِ ہڈ ءِ بستار ءَانت، کراچی ءِ جیڈھ آنی گیواری حکومت ءِ اولی ترجی انت۔ متحدہ قومی موومنٹ پاکستان حکومت ءِ ٹوھیں ھمبراہ داریں گل ات۔ ھمبراہ داریں گل آنی کمک ءَ چہ ملکی دیمروئی ءِکار گوں ترندی ءَ جاڑی انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ متحدہ قومی موومنٹ پاکستان ءِ چیئرمین ، وزیر ءِ سائنس ءُ ٹیکنالوجی ءُ وانگ ءُ زانگ ءُ ھیل کاری خالد مقبول صدیقی ءِ سروکی ءَ متحدہ قومی موومنٹ پاکستان ءِ ڈل ءَ گند ءُ نند کت۔ ڈ ل ءَ مزن وزیر ءِ سروکی ءَ معاشی پالیشی آںی بدولت ءَ گران بھائی ءِ کساس سنگل ڈیجٹ ءِ سر ءَ آیگ ءِ پد ءَ مزن وزیر ءَ را توسیپ ءُ ستا پیش کت۔ ڈلءَ مزن وزیر ءِ کاروبار دوست پالیشی ءُ برآمدی صنعت آنی دیمروئی ءِ واستہ گامگیج آنی توسیپ کت۔ ڈل ءَ مزن وزیر ءِ راجی اسمبلی ءِ ڈاکٹر محمدفاروق ستار، مصطفیٰ کمال ءُ سید امین الحق ھوار انت۔ اے موہ ءَ مزن وزیر ءَ متحدہ قومی موومنٹ پاکستان حکومت ءِ جوانیں ھمبراہ داریں گل ات۔ ھمبراہ داریں گل آنی کمک ءَ چہ ملکی دیمروئی ءِکار گوں ترندی ءَ جاڑی انت۔ مزن وزیر ءَ گوشت کہ کراچی ملک ءِ ارزشتی ایں شہر ءُ ملک ءِمعیشت ءِ سرین ءِ ھڈ ءِبستا ر ءَ انت۔ کراچی ءِ جیڈھ آنی گیواری حکومت ءِ اولی ترجی انت۔ گند ءُنند ءَ سندھ ھاسیں رنگ ءَ کراچی ءُایندگر شہری دمگ آنی جیڈھ آنی بابت ءَ تران کت۔ گند ءُ نند ءَ نائب مزن وزیر ءُ وزیر ءِ درئی کار محمد اسحاق ڈار، بنجاھی وزیر کانودی ءُ انصاف اعظم نذیر تارڑ ءُمشیر مزن وزیر برائے سیاسی کار صوبگ آنی وت مہ وتی نزیکی رانا ثنا ء اللہ ھم ساڑی ات۔
