اسلام آباد ۔ 2 جولائی (اے پی پی) محکمہ موسمیات ئِ ردئَ آیوکیں 24کلاکانی تہ ئَ ملکئِ گیشتریں بہراں موسم گرم ئُُ ھشک بہ بیت بلے راولپنڈی، لاہور، سرگودھا، گوجرانوالہ، مالاکنڈ، ہزارہ، پشاور، مردان،کوہاٹ ڈویژن، اسلام آباد، فاٹا، گلگت بلتستان ئُُ کشمیر ئَ لہتیں دمگاں ترندیں گوات ئُُ گرند ئُُ گروک ئَ گوں ھور ئِ گمان انت۔رپورٹ ئِ ردئَ پیسریگیں 24کلاک آنی ساھت ئَ ملک ئِ گیشتریں دمگاں موسم گرم ئُُ ھُشک بوتگ بلے مالاکنڈ، ہزارہ، حیدر آباد،کوئٹہ ڈویژن،کشمیرئُُ گلگت بلتستان ئَ لہتیں جاھاں ترندیں گوات ئُُ گرند ئُُ گروک ئَ گوں ھور بوتگ درستاں چہ گیش ھور بارکھان ئَ 12 ملی میٹر، سیدوشریف 06، مالم جبہ 03، بالاکوٹ یک، مٹھی05، مظفرآباد08، کوٹلی یک ئُُ بگروٹ ئَ یک ملی میٹر ریکارڈ کنگ بوتگ۔ یک شمبے ئَ ریکارٹ کتگیں ملک ئِ گرم تریں دمگ ئِ درجہ حرارت ئِ ردئَ دادو، سبی، سکھر ئَ درجہ حرارت 45 ڈگری سینٹی گریڈ، لاڑکانہ، تربت ئُُ روہڑی ئَ 44 ڈگری سینٹی گریڈ ریکارڈکنگ بوتگ
