اسلام آباد۔2ستمبر (اے پی پی):مزن وزیر محمد شہبازشریف ءَ پاک چین سٹریٹجک یکوئی آنی تہ ءَ یک شلی ءَ گہتری ءُ سی پیک ءِ اپ گریڈیشن ءِ واستہ یکجائی ءَ کار کنگ ءِ چینی سروک آنی وژن ءَ را ساڑتگ ءُ گوشتگ کہ پاکستان چین ءِ گوما انفارمیشن ٹیکنالوجی، وت جوڑیشتی ھیل کاری، نوکیں کشت ءُ کشاری ءُ ایندگر شوبگ آنی شریکداری ءِ دیمروئی ءِ واھشت ائیت انت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی کتگیں بیان ءِ رد ءَ مزن وزیر محمد شہباز شریف ءَ گوں پاکستان ءَ پوسٹیگیں چینی سفیر جیانگ زیڈ انگ ءَ گند ءُ نند کت۔ مزن وزیر محمد شہباز شریف ءَ چینی سفیر ءَ گوں گند ءُ نند کنان ءَ پاک چین دوستی وھد ءِ ھمک آزمائش ءَ را سرجمی ءَ پیلو کنت ، چین ءَ ھمک ساھت ءَ پاکستان ءِ ھمبراہ داری کتگ۔ آئی ءَ گوشت کہ پاک چین سٹریٹجک یکوئی ءَ انت یک شلیں گہتری ءُ چین پاکستان اقتصادی راہداری ءِ اپ گریڈیشن ءِ واستہ یکجائی کار کنگ ءِ چینی سروک آنی وژن توسیپی انت۔ پاک چین دوستی دوئیں ملک آنی گوما پڑ ءُ میاں اوستمانی ایمنی ءُ دیمروئی ءِ واستہ المی انت۔ مزن وزیر ءَ گوشتگ کہ پاکستان چین ءِ گوما انفارمیشن ٹیکنالوجی ، وت جوڑیشتی ھیل کاری، نوکیں کشت ءُ کشار ءُ ایندگر شوبگ آنی تہ ءَ شریکداری ءِ دیمروئی ءِ واھشت ائیگ انت۔ گند ءُ نند ءَ نائب مزن وزیر ءُ وزیر ءِ درئی کار اسحاق ڈار، مزن وزیر ءِ ھاسیں کمکار طارق فاطمی ءُ سیادی داروکیں اپسرگ آں بھر زوری کت۔
| ReplyForward |
