”دی ڈپلومیٹ“  تاکبند ءَ چین ءِ مزن تکی ڈل ءِ   پاکستان ءِ تر ءُ تاب  ءِ ھوالگ ءَ  شنگ بوتگیں آرٹیکل  رد  انت،  بے سر ءُ پاد  انت ءُ   باٹک  انت،   تاکبند  ءَ پاکستان ءَ  کوھنیں   دوستی چین  ءِ گوما  یکوئی ھراب کنگ ءِ  ناکام  کوشست  کتگ،  عطا ءِ اللہ  تارڑ

اسلام آباد۔31اگست  (اے پی پی): بنجاھی وزیر اھوالکاری  ، شنگ کاری ، راجی مڈی  ءُ  دود ءُ ربیدگ     عطا  ءِ اللہ  تارڑ     ءَ   "دی  ڈپلومیٹ”    تاکبند    ءَ چین ءِ مزن  تکی      ڈل ءِ  پاکستان ءِ تر ءُ تاب ءِ ھوالگ ءَ   شنگ بوتگیں آرٹیکل   ءَ را رد  ، بے سر ءُ پاد ءُ     بٹاک   نامینتگ   ءُ گوشتگ   کہ  تاکبند  ءَ وتی آرٹیکل  ءَ پاکستان ءِ کوھنیں دوست  چین ءِ گوما   یکوئی آناں  ھراب  کنگ ءِ  ناکامیں کوشست  کتگ۔  شمبے  ءِ روچ ءَ چاگردی     نزیکیں ویب سائٹ     ایکس  ءِ سر ءَوتی  پوسٹ  ءَ  دی ڈپلومیٹ   تاکبند ءِ سر ءَ شنگ بوتگیں آرٹیکل  ءِ    بابت ءَ    وتی ھیالانی درشانی ءَ کنان ءَ  آئی  ءَ گوشت کہ پاکستان ءِ درئی پالیشی    آنی  سر ءَ  اے رنگیں ارش کامیات  نہ  بنت۔   آرٹیکل  ءَ  داتگیں  ردیں  لیکہ، بے سر ءُ پاد انت  ءُ بٹاک  انت   ایش   پاکستانءِ جوزگ آنی راستیں    درشان ءَ نہ کن انت۔   ایشی ءَ  ابید   وزارت ءِ اھوالکاری  ءَ  فیکٹ  چیکر  ءَ  ھم   "دی ڈپلومیٹ”  تاکبند ءَ چین ءِ  مزن تکی ڈل  ءِ  پاکستان ءِ تر ءُ تاب  ءِ ھوالگ ءَ  شنگ بوتگیں  آرٹیکل   ءَ را بٹاک    نامینتگ۔    ایکس ءِ سر ءَ وتی پوسٹ ءَ  وزارت ءِ اھوالکاری   ءَ گوشت کہ آرٹیکل  دروگ    انت۔   در ملکی    پرسنالٹی  آنی   آیگ ءُ روگ سرجمیں سالءَ  برجا   انت۔     استیں  آرٹیکل    ءَ چین ءِ مزن تکی   ڈل ءِ   تر ءُ تاب ءُ  ناشرکاری  ءِ واکیہ  آنی نیام ءَ    دروگ  ءُ بٹاک  جنگ ءِ کوشست  کنگ  بوتگ،  اے  آرٹیکل بے سر ءُ پادیں  کوڈ ات ۔