اسلام آباد ۔ 2 جولائی (اے پی پی)مزن وزیر محمد نواز شریف ئَ گورنر خیبرپختونخوا اقبال ظفر جھگڑا ئَ را پارا چنار ناشرکاری اُرش ئِ اثرمندآن مالی کمک ئِ چیک بہر ئُُ بانگ کنگ ئِ ٹاسک داتگ۔مزن وزیر گِس ئِ نیمگ ئَ چہ جاڑی بیان ئِ ردئَ مزن وزیر محمد نواز شریف ئَ گورنر کے پی کے ئَ را کڈن داتگ کہ آں اثر مندیں مردمانی نیام ئَ اسسٹنس پیکج ئِ کار ئَ راچارانت۔آہاں گورنر اقبال ظفر جھگڑائَ را گوشتگ کہ آں پارا چنار ئِ اثرمنداں گوں گند ئُُ نند کن انتئُُ مزن وزیر ئَ را صلہ پیش کن انت۔مزن وزیرئَ گوشت کہ پاکستان ئِ اُلس ئُُ پاراچنار ئِ مردماں ناشرکاری ئِ ھلاسی ئَ پہ باز قربانی داتگ انت۔آہاں گوشت کہ ناشرکاری ئُُ بیم کاری ئِ ھلاپ اُلس ئِ قربانی ضیان نہ بوھنت۔آہاں گوشت کہ پاکستان ئِ یکجہتی ،تپاک ئُُ دیمروئی ئِ دژمناں ئَ را پروشت نصیب بہ بیت۔مزن وزیرئَ گورنر کے پی کے ئَ را کڈن کتگ کہ پارا چنار ناشرکاری وئیل ئِ اثرمندانی سرجم کمک کنگ بیت
