مزن وزیر محمد شہباز شریفءَ بنگلہ دیش ءَ   ھارءَ چہ بوتگیں تباہی ءَ حکومتءُ اُلسءِ گوما ہمدردی ءِ درشانی کتگ

اسلام آباد۔30اگست  (اے پی پی): مزن وزیر محمد شہباز شریفءَ بنگلہ دیش ءَ   ھارءَ چہ بوتگیں تباہی ءَ حکومتءُ اُلسءِ گوما ہمدردی ءِ درشانی کتگ۔ جمعہ ءِ روچءَ مزن وزیر کارگسءِ میڈیا  ونگ ءَ چہ شنگ بوتگیں بیان ءِ ردءَ مزن وزیر محمد شہباز شریف ءُ  بنگلہ دیش ءِ حکومت ءِ چیف ایڈوائزر پروفیسر محمد یونس ءَ ٹیلی فونءِ سرءَ ھیالءُ لیکہءِ درشانی کتگ۔ مزن وزیر محمد ہ شہباز شریفءَ پروفیسر محمد یونسءَ را چیف ایڈوائزرءِ عہدگ سھمبالگءَ مراد بات داتگ ءُ بنگلہ دیشءِ حکومتءَ را  ساڑاتگ۔ آئیءَ بنگلہ دیش ءَ  انوگیں ھارءَ چہ بوتگیں تباہی ءِ حکومتءُ اُلس ءَ گوں ہمدردی ءِ درشانی کتگ۔ مزن وزیر ءَ بازیں پڑآں کمک ءَ را گیش کنگءِ  وسیلگ دونیمگی سیادی ءَ را گہتر کنگءِ ازرشتءِ سرءَ  زو ر پِر داتگ۔ پاکستان ءُ بنگلہ دیش ءِ نیامءَ راج  دپتری، مذہبی ءُ دودءُ ربیدگی سیادی آنی ذکر کتگءُ  مزن وزیرءَ دوئیں ملک آنی نیامءَ بیپاری سیادی ، دودءُ ربیدگ ءُ  اُلسءِ نیامءَ نزیکی ءَ را گیش کنگءِ وائشتءِ درشانی کتگ۔ دوئیں راھشوناں تپاک کتگک کہ پاکستان ءُ  بنگلہ  دیش ءِ اُلس ءِ دیمروئی ءُ وشھالی ءِ ھاترءَ یکجاہ  کارکنگءِ ضلورت ایں۔ آئیءَ  گیش  تپاک کتگ کہ گیشیں دمگی کمک جنوبی ایشیا ءِ مردمانی زندماناں گہتر  کنگءَ  حاسیں  کرد پیلو کُت کنت۔ پروفیسر محمد یونس ءَ ٹیلی فون کنگءَ مزن  وزیرءِ شکرءُ منت گپتگ۔