اسلام آباد۔ 30 اگست (اے پی پی) بنجائی کابینہ چین پاکستان راہداری نا رداٹ مین لائن ون ڈٹ انا اپ گریڈیشن کن اولیکو ریسہ غا مالیاتی یخین دہانی نا بابت مذاکرات نا بناءِ کننگ نا منظوری ءِ تس وخت اس کہ وزیراعظم محمد شہباز شریف پارےکہ دہشت گردی ءِ ماس کش کننگ و اودے عبرت نا نشان کننگ کن مچ آ قوم سنبرینگوک ءِ۔ جمعہ نادے آ وزیراعظم آفس …
بنجائی کابینہ سی پیک مین لائن ون ڈٹ انا اپ گریڈیشن کن اولیکو ریسہ غا مالیاتی یخین دہانی نا بابت مذاکرات نا بناءِ کننگ نا منظوری ءِ تس
گیشتریں ھال
اسلام آباد۔ 30 اگست (اے پی پی) بنجائی کابینہ چین پاکستان راہداری نا رداٹ مین لائن ون ڈٹ انا اپ گریڈیشن کن اولیکو ریسہ غا مالیاتی یخین دہانی نا بابت مذاکرات نا بناءِ کننگ نا منظوری ءِ تس وخت اس کہ وزیراعظم محمد شہباز شریف پارےکہ دہشت گردی ءِ ماس کش کننگ و اودے عبرت نا نشان کننگ کن مچ آ قوم سنبرینگوک ءِ۔ جمعہ نادے آ وزیراعظم آفس نا میڈیا ونگ آن جاری بیان نار داٹ بنجائی کابینہ نا دیوان وزیراعظم محمد شہباز شریف نا کماشی ٹی داڑے اڈہلک۔ وزیراعظم کابینہ ءِ تینا تدوک آ دے انا دورہ ءِ کوئٹہ نا بابت پت اٹ ہلک۔ وزیراعظم پارے کہ بلوچستان اٹی کانود نافذ کروک آ ادارہ بشمول پولیس ولیویز نا کچ اٹی ودکی کننگ انگءِ۔ دہشت گردی ءِ ماس کش کننگ و اودے عبرت نا نشان کننگ کن مچ آ قوم سنبرینگوک ءِ۔ وزیراعظم پارے کہ بلوچستان نا صوبائی حکومت بلوچ ورناتے قومی دنگ اٹ اتنگ، اوفتا شونداری وشونہالی کن ستاکڑزوک گام گیج کننگ ءِ۔ بنجائی حکومت بلوچ ورناتے جہانی آب انا تعلیم و اسہ وڑ شونداری نا وارخواہی فراوان کننگ کن بلوچستان حکومت تون پورو کمک کیک، بنجائی کابینہ چین پاکستان راہداری نا اہم ڈٹ مین لائن ون نا اپ گریڈیشن کن چین و پاکستان نا ریلوائی نا نیام اٹ ایم ایل ون نا اولیکو ریسہ غا مالیاتی یخین دہانی نا بابت مذاکرات نا بناءِ کننگ نا منظوری ءِ تس۔ کابینہ پارت کرے کہ گڈیکو معاہدہ منظوری کن کابینہ نا مون آدُوارہ پیش کننگے۔ کابینہ اقتصادی رابطہ کمیٹی نا 29 اگست 2024 نا دیوان اٹی ہلوک آ فیصلہ ءِ پک کرے۔
