راولپنڈی۔ 30 اگست (اے پی پی) سیکورٹی فورس آک بلوچستان نا مسہ ضلع غاتیٹی اودیم معلومداری آ تالان آپریشن کریر ہراٹی 5 دہشت گرد جہنمی وخت اس کہ 3 ٹھپی مسر۔ آئی ایس پی آر نا رداٹ 26 اگست آ بلوچستان نا چندی علاقہ غاتیٹی دہشت گردی نا واقعہ غاتا رداٹ سیکورٹی فورس آک 29 و 30 اگست آ بلوچستان نا ضلع کیچ، پنجگور وژوب اٹی انفارمیشن بیسڈ آپریشن (آئی بی او) کریر۔ داآپریشن اٹی 5 دہشت گرد خلنگار وخت اس کہ 3 دہشت گرد ٹھپی مسر۔ دا علاقہ غاتیٹی ہردہشت گرد نا ساڑی گری نا چٹفنگ کن کلیئرنس آپریشن برجاءِ داآپریشن دہشت گرد واوفتا کمکارآتا چٹفنگ اسکان برجاسلک۔ آئی ایس پی آر ناپاننگ ءِ کہ پاکستان نا سیکورٹی فورس آک قوم اتون ہم کوپہ بلوچستان ناامن، سوگوی وشونداری ءِ لتاڑنگ نا کوشست آتے بے سہب کننگ کن سنبرینگوک ءُ۔
