اسلام آباد۔ 30 اگست (اے پی پی) سینیٹ اٹی وقفہ سوج آتیٹی وزیر آتا ساڑی مفننگ آ اپوزیشن برانز کرے۔ جمعہ نادے آ ایوان بالا نا دیوان اٹی قائد حزب اختلاف سینیٹر شبلی فراز پارے کہ ایوان نا دیوان برجاءِ ولے اسہ ہم وزیر اس ایوان اٹی ساڑی ءِ۔ سینیٹر محسن عزیز پارے کہ وزیر آتے ایوان بالا نا دیوان اٹی تینا حاضری ءِ بایدے پک کیر۔ اوپارے کہ ہراتم وزیر آک ایوان اٹی ساڑی مفسہ تو سوج آتا ورندی ءِ دیر اس ایتک۔ پینل آف پریذائیڈنگ آفیسر آتا باسک سینیٹر عرفان الحق صدیقی پارے کہ بنجائی کابینہ نادیوان مننگ ءِ ہرانا سوب آن وزیر آک ایوان اٹی ساڑی افس، دُن بنجائی وزیرآک بریرہ، ایجنڈانا ہڑدے انا کارروائی ءِ مون آدننگک۔ سینیٹر شبلی فراز پارے کہ نن دیوان اٹی کوریم نا پیدوار ی ءِ کپنہ، ایجنڈا نا غٹ امور آتے سرتننگ کن المی ءِ کہ بنجائی وزیر آک ایوان اٹی ساڑی مریر۔
