اسلام آباد۔ 30 اگست (اے پی پی) جمعیت علماء اسلام (ف) قومی اسمبلی ٹی کورم نا پیدواری و واک آؤٹ نا باندات آ پی ٹی آئی تون تفتو۔ جمعہ نادے آ قومی اسمبلی نا دیوان نا بناء آ اپوزیشن باسک آک وقفہ سوج آتا کارروائی ٹی اعتراضی ٹک آ ہیت کننگ خوائسر تو اسپیکر پارےکہ بھلو وخت اسے آن داپارلیمنٹ نا داروایت مسنے کہ وقفہ سوج آتیٹی اعتراضی ٹک آ ہیت کننگ نا موکل مفک۔ قائد حزب اختلاف عمرایوب تون اوار سینئر پارلیمنٹرینز داڑے ساڑی ءُ اوفک بایدے داہیت انا خیال ءِ تخر و داہیت ءِ نن مہالو آن ہم طے کرینن، اپوزیشن باسک آک اسپیکر نا داموقف آن امنا کپرسا اعتراضی ٹک آ ہیت کننگ نا اصرار ءِ برجاتخار و اسپیکر نا کنڈآن موکل ملپننگ آ پی ٹی آئی نا باسک شاہد خٹک کورم نا پیدواری ءِ کرے ہراڑتون پی ٹی آئی نا غٹ باسک آک ایوان آن واک آؤٹ کریر ولے داوخت آ جے یوآئی(ف) انا باسک آک مولانا عبدالغفور حیدری، نورعالم خان و شاہدہ اخترعلی تون اوار ایلو باسک آک ایوان اٹی ساڑی ئسر و اوکورم نا پیدوار ی نا کمک اٹ دیوان نا کارروائی ءِ ملتوی کرفنگ نا پی ٹی آئی نا کوشست تون تفتو۔

متعلقہ مضامینمصنف کی طرف سے مزید