کوئٹہ۔ 30اگست (اے پی پی) بلوچستان اٹی ہیلتھ کارڈ پروگرام نا رداٹ کم و ود 10 تُو اٹی 90 ہزار ناجوڑ آتا مفت درمان ءِ کننگانے مچ آ ملک انا1200 آن زیات ہسپتال ہیلتھ کارڈ پینل آ ساڑی ءُ، بلوچستان ناہر شاری نا قومی شناختی کارڈ اونا ہیلتھ کارڈ ءِ، صوبائی حکومت الس ءِ ریلیف تننگ کن ہرممکن گام گیج کننگ اٹی ءِ ، جان جوڑی نا بجٹ اٹی 2گناودکی کننگانے۔ داہیت ءِ وزیراعلیٰ بلوچستان نا فوکل پرسن ہیلتھ کارڈ نورالحق بلوچ، سیکرٹری جا ن جوڑی صالح محمد بلوچ، ڈی جی ہیلتھ بلوچستان ڈاکٹرامین اللہ مندوخیل، چیف ایگزیکٹیوآفیسر بلوچستان ہیلتھ کارڈ پروگرام اسد اللہ کاکڑ، سینئر پالیسی ایڈوائزر جی آئی زیڈ پاکستان ڈاکٹر فرانزون روئنے، ڈائریکٹر ہیلتھ کارڈ پروگرام ڈائریکٹر احمد ولی، ڈاکٹر عمران درانی، گودی ماریہ و ایلوفک جمعہ نادے آ ہندی ہوٹل اٹی بلوچستان ہیلتھ کارڈ پروگرام و جرمن ڈویلپمنٹ کوآپریشن جی آئی زیڈ نا اسیجائی کمکاری اٹ پالیسی ورکشاپ آن تران کرساپاریر۔ دود اٹی بلوچستان ہیلتھ کارڈ پروگرام وبے نظیر انکم سپورٹ پروگرام نا نیام اٹ مفاہمتی یات داشت آ ہم دستخط کننگا ، ایم اویوآ بلوچستان ہیلتھ کارڈ پروگرام نا کنڈآن چیف ایگزیکٹیو آفیسر اسداللہ کاکڑ وخت اس کہ بے نظیر انکم سپورٹ پروگرام ناکنڈآن ڈائریکٹر عرفان رفیق ئسک دستخط کریر۔ دامعاہدہ نا رداٹ بی آئی ایس پی و ہیلتھ کارڈ پروگرام نا نیام اٹ اسٹریٹجک کوآپریشن آن ڈیٹا اینٹی گریشن اٹ کمکاری فراوان کننگک۔ وزیراعلیٰ بلوچستان نا فوکل پرسن ہیلتھ کارڈ پروگرام نور الحق بلوچ پارے کہ ہیلتھ کارڈ پروگرام صوبہ نا نیزگار الس کن اسہ پوسکن ءُ امیت اسے بلوچستان اٹی جوان سوشل پروٹیکشن پروگرام نا گرج ءِ جرمن ڈویلپمنٹ کوآپریشن داوڑنا پروگرام تیکن کمکاری کے۔ اوپارے کہ خلق آتیٹی رہینگوک آ خاہوت آتے ہیلتھ کارڈ پروگرام نا بابت آگاہی تننگے، اینو ہیلتھ کارڈ پروگرام نا رداٹ صوبہ نا الس ملک انا 12 سد آن زیات ہسپتال آتیٹی مفت درمان کرفنگ کیرہ، حکومت بلوچستان السی انڈومنٹ فنڈ انابناءِ کرے ہراڑآن ہزار آمریض سالانہ درمان کرفنگ ءُ۔ سیکرٹری جان جوڑی صالح محمد بلوچ تران کرساپارے کہ الس ءِ ریلیف تننگ کن ہرممکن گام گیج کننگ اُن، ساڑی حکومت جا ن جوڑی نا بجٹ اٹی دوگناودکی کرینے جان جوڑی و تعلیم نا بشخ بھاز اہم ءِ۔ اوپارے کہ ہیلتھ کارڈ پروگرام آن 90 ہزار ناجوڑ آتا مفت درمان بھاز بھلو سرسہبی اسے صوبہ نا الس ءِ جان جوڑی نا آسراتی تا فراوانی کن دے ونن کاریم کننگ اُن۔ دود آن سینئر پالیسی ایڈوائزرجی آئی زیڈ پاکستان ڈاکٹر فرانزون روئنے تران کرساپارے کہ بلوچستان دا ڈیہہ انا یکتا علاقہ ءِ ہیلتھ کارڈ پروگرام نا سرسہبی کن ہرممکن تکنیکی کمکاری فراوان کینہ۔
