چیئرمین سینیٹ نا دیر بالا ٹی مش انا کرود اسے نا تمنگ آن 12 بندغ آتا زوال کننگ آ است ہسونی نا درشان

اسلام آباد۔ 30 اگست (اے پی پی) چیئرمین سینیٹ سید یوسف رضاگیلانی دیربالاٹی مش انا کرود اسے نا تمنگ آن 12 بندغ آتا زوال کننگ آڈکھیائی و است ہسونی نا درشانی ءِ کرینے۔ جمعہ نادے آ سینیٹ سیکرٹریٹ آن جاری بیان نا رداٹ سید یوسف رضاگیلانی زوال کروک آبندغ آتا خاہوت آتون ہمدردی و ہڑزخواہی نا درشانی ءِ کرسا پارے کہ زہمی تا غم و ڈکھیائی ٹی بریبر نا شریک اُن، چیئرمین سینیٹ اللہ تعالیٰ آن زوال کروک آ بندغ آتا درجہ غاتا بڑزی و خاہوت ءِ صبر وجمیل عطاکننگ نا دعاکرے۔ چیئرمین سینیٹ الس آن خواست کرے کہ ساڑی آ ترند انگا پِر تیٹی زیات آن زیات رکھی گام گیج اختیارکیر۔