اسلام آباد۔29اگست (اے پی پی):پاکستان ءَ ممتاز کشمیری سروک سید علی گیلانی ءِسیمی سالروچ ءَ آئی ءَ را توسیپ ءُ ستا پیش کت۔ درئی کارانی کارگس ءِ ترجمان ممتاز زہرہ بلوچ ءَ پنچ شمبے ءِ روچ ءَ ادا پریس بریفنگ ءَ گوشت کہ سک باز سکی ءُمشکل آں ابید وت واجئی ھک ءِ در جنگ ءِ واستہ سید علی گیلانی ءِ جزم بے درور انت۔ ترجمان ءَ گوشت کہ سید علی گیلانی کشمیری آنی وت واجئی ھک ءِ در جنگ ءِ واستہ یک ھک ءُ دلیں گوانک ات آ باز دیراں تاں نظر بند بوتگ۔ ایشی ءَ چہ پد یکم ستمبر 2021 ءَ بیران بوتگ۔ آءیءَگوشت کہ ما انصاف ءُ آزاتی ءِ واستہ سید علی گیلانی ءِزندمان ءِ جہد ءُ کوشست ءَ را توسیپءُ ستا پیش کناں۔ ترجمان ءَ گوشت کہ یونائیٹڈ نیشن ءِ سلامتی کونسل ءِمنوگری آنی رد ءَ جموں کشمیر ءِ کشاں چیل آناں گیواری ءِ واستہ وتی کشمیری برات ءُ گہار آنی سیاسی، سفارتی ءُ اخلاقی کمک ءِ وتی جزم ءِ درشان ءَ کنت انت۔
