اسلام آباد۔29اگست (اے پی پی):چیئرمین سینٹ سید یوسف رضا گیلانی ءَ گوں پاکستان ءَ مٹسوہیر وواڈا ءَ پارلیمنٹ گس ءَ گند ءُ نند کت ءُ وت مہ وتی واھگی کار آنی ھوالگ ءَ ھیال ریچی کت۔ پنچ شمبے ءِ روچ ءَ سینیٹ سیکرٹریٹ ءَ چہ جاڑی بوتگیں جار ءِ رد ءَ چیئرمین سینیٹ ءَ گوشتگ کہ پاکستان ل جاپان ءِ گوما وتی براتی ءُ یکوئی آناں باز شرپ ءِ گوما چار ائیت، جاپان برجامیں معاشی ملک ات ءُمپاکستان جاپان ءِ گوما جتا جتائیں شوبگ آں ھوار ، جان سلامتی ، صنعت ءُ پیداوار ءِ پڑ ءَ کمک آنی دیمروئی دیگ ءِ واھشت مند انت۔ آئی ءَ 2022 ءِ سیلاپ ءِ ساھت ءَ جاپان ءِ حکومت ءِ نیمگ ءَ داتگیں کمک آنی پد ءَ شگر ءُ منت واری گپت۔ پاکستان ءُ جاپان ءِ نیام ءَ پارلیمانی ءُ سفارتی یکوئی وھد ءِ گوما مھکم تر انت۔ چیئرمین سینیٹ ءَ گوشتگ کہ پارلیمانی ڈل آنی روگ ءُ آیگ ءَ چہ جاپان ءِ نیام ءَ پارلیمانی سفارتی یکوئی وھد ءِ گوما مھکم تر بوھگ ءَ انت۔ چیئرمین سینیٹ ءَ گوشتگ کہ پارلیمانی ڈل ءِ روگ ءُ آیگ ءَ چہ دوئیں ملک آنی الس آناں یک ءِ دومیگ ءِ گوما نزیک ءُ یکوئی آناں گیش گہتر جوڑ کت کناں۔ آئی ءَ گوشت کہ دوئیں ملک آنی پارلیمانی ءُ السی ڈل آنی روگ ءُ آیگ ءَ ترندی آرگ ءِ سک باز ضلورت انت۔ چیئرمین سینیٹ ءَ گوشتگ کہ پاکستان ءُ جاپان ءَ معاشی یکوئی ءِ دیمروئی ءِ واستہ بازیں دو ل نیمگی ادارگ میکنزم جوڑ کتگ انت۔ اے میکنزم آنی چیردستی ءَ یک شلی ءَ رابطہ ءُ دو نیمگی یکوئی آنی چار ءُ تپاسی گرگ ءَ چار ءُ بچاری ءَ چہ سرمایہ کاری، سیل ءُ سواد ءُ پارلیمانی ڈل آنی روگ ءُ آیگ ءَ را دیمروئی دیگ ءَ کمک رسیت۔ سید یوسف رضا گیلانی ءَ گوشتگ کہ پاکستان ءُ جاپان ءِ نیام ءَ ایوک ءَ 1.27 بلین ڈالر ءِ وت مہ وتی تجارت بیت انت ءُ بازیں پاکستانی کمپنی جاپان ءِ ارزشتی ایں منصوبگ آنی گوما یکجائی منصوبگ آنی سر ءَ کار کنگ لوٹ ائیت۔ چیئرمین سینیٹ ءَ گوشت کہ پاکستان جاپان انٹرنیشنل کوآپریشن ایجنسی جے آئی سی اے ءِ پاکستان ءِ گوما دیمروئی کمک آناں ھم شرپ ءِ نگاہ ءَ چار ائیت۔ چیئرمین سینٹ سید یوسف رضا گیلانی ءَ گیش تران کنان ءَ گوشت کہ اے دلبڈی انت کہ دوئیں ملک آں 2019 ءَ ٹیکنیکل انٹرن ٹریننگ پروگرام ٹی آئی ٹی پی ءُ ھاسیں بلدکاریں ایس ایس ڈبلیو پروگرام آنی تہ ءَ کمک ءِ منوگری کتگ۔ چیئرمین سینیٹ ءَ گوشتگ کہ جاپان ءَ نندوکیں 25 ہزار پاکستانی جاپان ءِ دیمروئی ءَ ارزشتی ایں کرد ءِ پیلو کنگءَانت جاپان ءَ مئے کمیونٹی گاڑی ، کالین ءِ تجارت ءُ حلال وردن ءُ وراک برآمد کنگءِ کاروبار ءَ گوں بندوک انت۔
