کوئٹہ۔ 29 اگست (اے پی پی): مزن وزیر میاں محمد شہباز شریف ءَ گشتگ کہ ما محکمیں ارادگءُ یکجاہی ءِ گوما بلوچستان ءَ ناشرکاری ءَ را سرجمی ءَ ہلاس کناں ءُ ناشرکاراناں آیانی آسرءَ سرکنان، بلوچستان ءَ انوگیں بوتگیں اندوناکیں وئیلءِ سرءَ سرجمیں پاکستانی راج گمیگ ایں، ناشرکاری ءِ ناپاکیں منصوبہ ءِ ردءَ بے گناہیں پاکستانی حوناں ریچوکیں ڈنی ناشرکارانی سر بُرّگ بنت۔ اے ھیالانی درشانی آئیءَ پنچ شمبے ءِ روچءَ کوئٹہ ءَ نیشنل ایکشن پلان ءِ صوبائی ایپکس کمیٹی ءِ دیوان ءَ گوں تران کنان ءَ کتگ۔ اے موہءَ چیف آف آرمی اسٹاف جنرل عاصم منیر، مزن وزیر ءُ دری کارانی بنجاہی وزیر اسحاق ڈار، بلوچستان ءِ گورنر شیخ جعفر خان مندوخیل، بلوچستان ءِسروزیر میر سرفراز بگٹی، تہی کارانی بنجاہی وزیر محسن نقوی ، منصوبہ بندی ءِ بنجاہی وزیر احسن اقبال ، حالءُ اھیوال کاریءِ بنجاہی وزیر عطا تارڑ، بیپاری ءِ بنجاہی وزیر جام کمال ، کورکمانڈر بلوچستان راحت نسیم احمد، چیف سیکرٹری شکیل قادر ءُ ایندگہ ہم ساڑی بوتگ اَنت۔ مزن وزیر شہباز شریف ءَ گشتگ کہ 26 اگشت ءَ بلوچستان ءَ ناشرکاری ءِ کہ اے وئیل بوتگ اے سکیں اپسوزی ء ُ اندوناکیں وئیلے بوتگ ، کہ سرجمیں پاکستان ءِ اُلسءِ تہا تکانسری ودی بوت، اے اندوہناکیں وئیلءِ سرءَ سرجمیں راج گمیگ اِنت بلے یات کنگ بہ بیت کہ ما محکمیں ارا دگ ءُ یکجاہی ءِ گوما ماں بلوچستان ءَ ناشرکاریءَ را ہلاس کناں۔ بلوچستان ءَ گشتگ کہ ایشی ءِ تہا ایچ شک نیست کہ اللہ تعالیٰ ءِ فضل ءُکرم ءَ چہ پاکستانءِ فوج، چیف آف آرمی سٹاف جنرل عاصم منیر ءُ بلوچستان ءِ سروزیر ءِ لیڈرشپ ءِ تہا بنجاہی حکومتءِ سرجمیں کمک ءَ چہ ناشرکاری ء َ را چہ روہتگاں ہلاس کنان، ناشرکاری ءَ سرجمیں پاکستان ءَ 2018 ءَ پد کہ رندے پدا وتی سرچست کتگ بلے ایشی ءِ سرءَ بُرّگ بیت، پاکستان ءِ وشھالی ءِ ھاترءَ درستاناں یک جاہ بوھگی ایں۔ مزن وزیر محمدمیاں شہباز شریف ءَ گشتگ کہ قائد اعظم محمد علی جناح ؒ ، علامہ محمد اقبالؒءِ رندگیری کنانءَ ماتیں ملک ءِ محکمی ءِ ھاترءَ وتی جاناناں ندر کنوکانی قربانی مٹ کا راں، مزن وزیرءَ اے جزم ءِ درشانی کتگ کہ محکیں ادارگ ءُ یکوہی ءِ گوما ناشرکاریءَہلاس کناں۔
