راولپنڈی ۔29اگست (اے پی پی):چیئرمین جوائنٹ چیفس آف سٹاف کمیٹی جنرل ساحر شمشاد مرزا ءَ سلطنت عمان ءِ سرکاری ترءُ تاب ءِ وہدءَ نائب مزن وزیر، دیمپانی ءِ وزیر ءُ شاہی دربارءِ وزیر ءَ گوں جتاہ جتاہ گندءُنندکتگ۔ آئی ایس پی آر ءِ ردءَ چیئرمین جوائنٹ چیفس آف سٹاف کمیٹی جنرل ساحر شمشاد مرزا ءَ نائب مزن وزیر ءُ دیمپانی ءِ وزیر سید شہاب بن طارق بن تیمور ءَ گو ں گندءُ نندکتگ، آئیءَ شاہی دربار وزیر جنرل سلطان بن محمد النامانی ءَ گوں ہم گندءُنندکتگ۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا ءَ وتی ترءُتاب ءِ وہدءَ چیف آف سٹاف وائس ایڈمرل عبداللہ بن خمیس الرئیسی، سروسز چیفس ءُچیئرمین آف ڈیفنس اکیڈمی ءَ گوں ہم گندءُ نندکتگ۔ جتاہ جتاہ گندءُنندءِ وہدءَ تربیت، سکیورٹی، ناشرکاریءِ گرءُدار، دیمپانی صنعت ءَ ہوار عسکری کمک ءِ سرءَ ہم ھیال ءُ لیکہ ءِ درشانی کنگ بوتگ۔ گندءُ نندانی تہا دمگی سلامتی ءِ جاورھال ءُ سٹریٹجک سیادیءَ را گیش کنگءِ ھاترءَ عسکری سیادی ءَ را گیش کنگءِ سرءَ ہم گپءُتران کنگ بوتگ۔ عمانی حکام ءَ ناشرکاری ءِ حلاپءِ جنگءَ پاکستان ءِ اُلس ءُ سلاھ بندیں فوج ءِ قربانی آناں ساڑاتگ۔
