اسلام آباد۔29اگست (اے پی پی): مذہبی پڑءِ وزارتءِ جارچین ءَ گشتگ کہ آیوکیں سال حج ءَ مزنیں نادراہی ءِ آماچیں مردم حج ءَ شُت نہ کناں۔ پنچ شمبے ءِ روچءَ مذہبی پڑءِ وزارتءِ جارچین ءِ ردءَ سعودی وزارت حجءُ عمرہ ءِ نیمگءَچہ مذہبی پڑءِ وزارتءَ را حج 2025 ءِ ہوالگءَ حج ایڈوائزری دست کپتگ، کہ آئیءِ ردءَ مزنیں نادراہی آنی آماچیں مردم حجءَ شُت نہ کناں۔ برجاہیں حج ایڈوائزری ءِ ردءَ موسم ءِ ترندی ءَ را دیما ایر کنگءُ اے پیسلہ کنگ بوتگ کہ تنا جانءُ سلامتیں مردماناں حج ءِ سفرکنگءِ اجازت دئیگ بیت۔ جارچین ءِ ردءَ گُٹّگ، دل ، پُپءُ کینسر ءِ نادراہ آں ہوار ڈیمینشیا ءُ بازیں نادراہی حُشک کُہلگ، ٹی بی ءَ ابید 12 سال ءَ چہ کم اُمبر ءِ زھگءُ لاپ پُری زالبولاناں حج ءِ سفرءِ موکل دئیگ نہ بیت۔ جارچینءَ گشتگ کہ پہ حج کنوکانی ھاترءَ گردن پروشیں تپ، کورونا، موسمیاتی انفلوئنزا ، پولیو ویکسین کنگ المی بیت۔
