اسلام آباد۔28اگست (اے پی پی): صدر مملکت آصف علی زرداری ءَ سندھ ءَ کرکٹ ءِ دیمروئی ءِ واستہ یک ٹوھیں دراج بریں روڈ میپ ءِ سہرا کنگ ءِ ضلورت ءِ زور پر دیانءَ گوشتگ کہ سندھ ءِورنا آناں نوکیں کوچنگ ءُ سروکیں موہ پجاری کنگ لوٹ ائیت، جدید کرکٹ اسٹیڈیمز ءِ تیاری ءِ واستہ یکجائی منصوبگ آنی اوست آںی سر ءَ چا ر ءُ بچاری کنگ بیت۔ ایوان ءِصدر ءِ پریس ونگ ءِ رد ءَ صدر مملکت آصف علی زرداری سندھ پریمیئر لیگ ایس پی ایل ءِ ڈل ءَ گوں تران کنگ ءَات۔ صدر آصف علی زرداری ءَ سندھ ءَ کرکٹ ءِ بنیاتی کوکا، ھیل کاری آسراتی آناں گہتر جوڑ کنگ ءُ سندھ َ کرکٹ ٹیلنٹ ءِ گیشی ءِ ضلورت ءِ ھواگءَ زور دیان ءَ گوشتگ کہ سندھ پریمیئر لیگ سندھ ءِکرکٹ ٹیلنٹ ءَ را سہرا کنگ ءِ واستہ یک جوانیں پلیٹ فارم ات۔ آئی ءَ گوشت کہ لیب ءُ گوازی ءُ کرکٹ لیگز آنی برجائی ءَ چہ گوازی آنی سیل ءُ سواد ، معاشی چست ءُ ایر آناں دیمروئی رسیت۔ ڈل ءَ صدر مملکت ءَ را سندھ ءِ کرکٹ ٹیلنٹ دیمروئیدیگ، کرکٹ انفراسٹرکچر ءَ را گہتر جوڑ کنگ ءَلیگ ءِکرد ءِ ھوالگ ءَ گوشت۔ ڈل ءَ سندھ پریمیئر لیگ ءِ بنگیجی سیزن ءِکامیاتی آنی ھوالگ ءَ ورنا ٹیلنٹ ءِ ھیل کاری کراچی ءَ یک ہائی پرفارمنس سنٹر ءِ جوڑیشت ءِ کار کنگ بیت۔ ڈلءَ صدر مملکت ءَ را سندھ پریمیئر لیگ ءِ استیں جیڈھ آنی بابت ءَ ھم سرپد کت۔ صدر مملکت ءَ ڈل ءَ را سندھ ءَ کرکٹ ءِ دلبڈیں ، دیمروئی ءِ واستہ کمک آنی دل یکیمی کنائینت۔ صدر آصف علی زرداری ءَ گوشتگ کہ سندھ حکومت ءُ پاکستان کرکٹ بورڈ ءَ را سندھ ءَ کرکٹ ءِ بنیاتی کوکا ءَ را گہتر کنگ ءِوستہ کمک کار گوشاں۔ ایشی ءَ ابید، سندھ پریمیئر لیگ ءِ ڈل ءَ صدر مملکت ءَ رایس پی ایلءِ شرٹ ھم پیش کت۔
