اسلام آباد۔28اگست (اے پی پی): بنجاھی وزیر تجارت جام کمال خان ءَ گوں ویمن چیمبر آف کامرس اینڈ انڈسٹری کورنگی کراچی ءِ صدر صاحبزادی ماہین خان ءَ چار شمبے ءِ روچ ءَ آئی ءِ کارگس ءَ گند ءُ نند کت ایشی ِ اندر ءَکاروبار کنوکیں زالبول آنی استیں جیڈھ آنی ھوالگ ءَ ھیال ریچی کنگ بوت۔ گند ءُ نند ءِ ساھت ءَ صاحبزادہ ماہین خان ءَ حکومت ءِ نیمگ ءَ چہ زالبول آناں وست مستری ءِ واستہ کتگیں گامگیج آنی توسیپ کت۔ بنجاھی وزیر تجارت ءَ آئی ءَ را حکومت ءِ سرجمیں کمک کنگ ءِ دل یکیمی دات ءُ چیمبر ءِ صدر ءَ را گوشت کہ آ ایکسپورٹ ڈویلپمنٹ فنڈ ءَ را وتی شور ءُمشور آناں پیش کت۔ بنجاھی وزیر ءَ گوشت کہ حکومت ای کامرس ءِ دیمروئی ءِ ھوالگ ءَ دلگوشی انت۔ زالبول آناں لوٹ ائیت کہ آ ای کامرس پلیٹ فارمز ءَ را کارمرز بکن اَنت ءُ وتی کاروبار ءَ را دیمروئی بدینت۔
