اسلام آباد۔28اگست (اے پی پی): کشمیر ءُ گلگت بلتستان پڑءُ سیفرانءِ بنجاہی وزیر امیر مقام بنجاہی وزیر رانا تنویر حسینءِ لوگءَ شتگءُ آئیءِ مستریں برات ایم پی اے حُدامُرزی رانا افضال حسین ءِ بیرانی ءِ سرءَ دلپدردی ءِ درشانی کتگءُ آئی ءِ چارپاتحہ ءَ ہوار بوتگ۔ ادا شنگ کتگیں بیان ءِ ردءَ اے موہ ءَ بنجاہی وزیر ءَ پاتحہ ونتگ ءُ رانا تنویر حسین ءُ آئیءِ حاندان ءَ گوں دلپدردی ءِ درشانی کتگ۔ بنجاہی وزیر انجینئر امیر مقام ءَ ایم پی اے حُدامُرزی رانا افضال حسین ءِ بیران بوھگءَ گمءُ رنج ءِ درشانی کتگ۔ آئیءَ گشتگ کہ بنجاہی وزیرءَ حُدامُرزی رانا افضال حسین ءِ سیاسی ازمتاناں دادءُ سلام پیش کتگءُ گشتگ کہ پارٹی ءُ حلقہ ءِ اُلس آئیءِ ازمتاں دائمءَ گیر کاراں۔ انجینئر امیر مقام ءَ دعا کتگ کہ اللہ پاک حُدا مُرزی رانا افضال حسین ءَ را جنت الفردوسءَ مزنیں بستار ے ءُ پُشپدءَ را سگءُ اوپار بہ دنت۔ آئیءَ گشتگ کہ گمءِ اے ساھتءَ ما گمیگیں حاندان ءِ گمءَ ہوار اَں۔
