اسلام آباد۔28اگست (اے پی پی): بیپاری ءِ بنجاہی وزیر جا م کمال ءَ گشتگ کہ پاکستان دنیاءِ لھتیں ہما ملک آنی تہا ہوار اِنت کہ ٹیکسٹائلءُ پوشاک ءِ یک سرجمیں ویلیو چین اَست، کہ ملک ءِ سماجی ءُ اقتصادی دیمروئی ءِ تہا وتی کردءَ پیلو کنگ ءَ اِنت، مزن وزیر برآمد کنوکانی ھاترءَ ارزانی پیدا کنگءُ بیپاری حجم ءَ گیش کنگءِ ھاترءَ کار کنگءَ اَنت، کہ آیانی برورد زوت دیما آھگ بندات بنت۔ اے ھیالانی درشانی آئیءَ چارشمبے ءِ روچءَ پوشاک، فیبرکس، ٹیکسٹائل فائبر ءُ ٹیکنیکل ٹیکسٹائل ءِ کونسلز ءِ نمائندگانی ورچوئل میٹنگ ءَ کتگ۔ گندءُ نندءِ تہا ٹیکسٹائل ءُ پوشاکانی صنعت ءَ را آماچ کنوکیں جیڑہءُ جنجالاں اولی دلگوشی ءَ گوں گیشءُگیوار کناں۔ کونسل آنی باسکاں برآمدی نموءِ تہا رکاوٹ جوڑ بوتگیں جیڑھ آنی نام گپتگ، کہ آیانی تہا ٹیرف، ٹیکس، لیکویڈیٹی ءِ کمی، ایس آر اوز ، گیش شر ح ءِ سرءَ سوتءِ سرءَ وام ءُ ٹیرف ءِ ہوالگءَ جیڑہءُجنجال ہوار اَنت۔ میٹنگ آنی باسکاں حکومتءَ گوں دزبندی کتگ کہ آ اے جیڑہ ءُ جنجالاں گیش ءُگیوار کنگءِ ھاترءَ المی گامگیج بہ کنت۔ میٹنگءَ کسانیں ءُ درنیامی درجگ ءِ بیپاری ادارگاناں کمک کنگءُ نوکیں پلگ اینڈ پلے گارمنٹس سٹیز جوڑ کنگءِ ضلورتءِ سرءَ ہم گپ کتگ۔ آئیءَ گشتگ کہ بیپارءُ بیپاری براتی ء ِ نیمگءَ چہ آھوکیں درائیں سفارش آناں یکجاہ کنگ ءُ نیشنل ایکسپورٹ ڈویلپمنٹ بورڈ ءَ را گڑی چارءُ بچار کنگءِ ھاترءَ پیش کنگ بیت۔
