اسلام آباد۔28اگست (اے پی پی): مزن وزیر ءِ جانءُ سلامتی پڑءِ کوآرڈینیٹر ڈاکٹر مختار احمد بھرتھ ءَ جانءُ سلامتی وزارت ءُ آئی ءِ چیردستیں ادارگانی سروکاناں درائیں سرکاری کاراناں پہ وہد ءِ سرءَ کنگءِ پنتءُ شو ن کتگءُ گشتگ کہ ایم ڈی کیٹس ء ِ چکاسءِ تہا میرٹ ءَ را الم کنگ بہ بیت، ایم ڈی کیٹس ءِ پیپرآنی تہا ایچ وڑیں لیک بوھگ سگءُ اوپار کنگ نہ بیت۔ چارشمبے ءِ روچءَ جانءُ سلامتی وزارتءَچہ شنگ بوتگیں بیان ءِ ردءَ اے ھیالانی درشانی آئیءَ وتی سروکیءَ جانءُ سلا متی وزارتءُ چیردستیں ادارگانی سروکانی دیواناں گوں تران کنانءَ کتگ۔ دیوانءِ مولءُ مراد جانءُ سلامتی ءِ پڑءَ مٹءُ بدلی آرگءِ ھاترءَ گامگیجانی چارءُ بچار کنگ بوتگ۔ دیوانءَ ڈاکٹر مختار احمد بھرتھ ءَ پنتءُشون کتگ کہ ادارگانی سروک داتگیں ڈیڈ لائن ءِ تہا وتی کاراں سرجم بہ کن اَنت۔ پی ایم ڈی سی ڈگری آنی پکّہ کنگ، رجسٹریشن ءُ لائسنسنگ ءِ ہوالگءَ دزبندیانی سرءَ زوتاں چہ زوت کار بہ کنت۔ این آئی آ ر ایم نادراہ جا ہ ءَ را نوک کنگءِ ہم ضلورت ایں۔ ایگزیکٹو ڈائریکٹر این آئی آر ایم 10 رو چانی تہا نادراہ جاہ ءِ گہتری ءِ حاترءَ انوگیں ضلورت ءِ ردءَ سرءُ سوج ءُ سفارشات جوڑ بہ کنت۔ ہیلتھ ٹورازم ءَ را گیش کنگءِ ھاترءَ یک پلانے جوڑ بہ کن اِت۔ پاکستان ءَ ہیلتھ ٹورازم ءِ باز پوٹینشل اَست۔
