اسلام آباد۔ 28 اگست (اے پی پی) بنجائی وزیر مواصلات ، نجکاری و زرکاری بورڈ عبدالعلیم خان پارینے کہ کراچی آن سکھر و سیالکوٹ ، کھاریاں آن اسلام آباد ناموٹروے اولیت ءِ، نیشنل ہائی وے اتھارٹی پوسکن آ شاہراہ تیا زیات آن زیات ریونیو بایدے یکجامرے۔ نیشنل ہائی وے اتھارٹی آخبت اٹ مالی وڑاٹ سوگو و وتواجہ مرے۔ داخیال آتا درشانی ءِ بنجائی وزیر نیشنل ہائی وے اتھارٹی نا کنڈآن محکمانہ حوال اٹی گپ وتران کرسا کرے۔ بنجائی وزیر ءِ نیشنل ہائی وے اتھارٹی نا کنڈآن محکمانہ حوال تننگا۔ داوخت آ گپ وتران کرسا بنجائی وزیر عبدالعلیم خان پارے کہ کراچی آن سکھر و سیالکوٹ ، کھاریاں آن اسلام آباد نا موٹروے اولیت ءِ، دا ہڑتوم آ و غٹ پوسکن آ موٹروے تے کم از کم مسہ مسہ لین اٹی بایدے تفنگے۔ اوپارےکہ 6 لین نا ہڑتوم آ کنڈآتا موٹروے تیان کم انا ہچ ءُ موٹروے اس تفنگ پننگک۔ عبدالعلیم خان پارے کہ نیشنل ہائی وے اتھارٹی پوسکن آ شاہراہ تیا زیات آن زیات ریونیو یکجامرے۔ بنجائی وزیر پارت جاری کرسا پارے کہ موٹروے تیا ایکسل لوڈ انا پابندی ءِ سختی اٹ پک کیر، خلاف ورزی بایدے مف۔ اوپارے کہ نیشنل ہائی وے اتھارٹی آن کرپٹ و نابود عملہ ءِ کشر، عملی کارکڑد ءِ ودفوئی مریک۔ اوپارے کہ ہراڑے ریونیوٹی ویل مریک ہموڑے ٹول کولیکشن ءِ نجی بشخ انا دوٹی ایتر، اسہ سال اٹی نیشنل ہائی وے اتھارٹی تینا ریونیو نا پوسکن آ ہدف ءِ طے کے، بیرہ حکومت و ایلو ادارہ غاتیان بھلو فنڈ اس ہلنگ و اوفتے خڑچ کننگ کمال اس اف۔ داوخت آ چیئرمین نیشنل ہائی وے اتھارٹی پارے کہ این ایچ اے نا 57 درسد شاہراہ تیان بیرہ 13 درسد ٹول ٹیکس ملک۔ بنجائی سیکرٹری مواصلات ہم این ایچ اے نا شاہراہ تیکن مربوط ڈٹ بندی حوال دیوان اٹی بشخ ہلک۔ حوال اٹی بنجائی وزیر پارے کہ نیشنل ہائی وے اتھارٹی ءِ آخبت اٹ مالی وڑاٹ سوگو و وتواجہ مرے۔ہن و برنا ذریعہ ءِ جوان کننگ اولیت، ساڑی آ خواست آتا رداٹ بزنس ماڈل جوڑکروئی مریک ۔ بنجائی وزیر پارت کرساپارے کہ این ایچ اے ٹی پوسکن ءُ وژن اس اتوئی ءِ، ایلو ملک آتیٹی کاریم کیر و پیسہ کٹر۔
