اسلام آباد۔ 28 اگست (اے پی پی) وزیراعظم نا کوآرڈی نیٹر جان جوڑی ڈاکٹر مختار احمد بھرتھ وزارت جان جوڑی و اونا ماتحت ادارہ غاتا سروک آتے غٹ سرکاری امور آتے اولیت بنداو تیا وخت آ مون تننگ نا پارت کرے و پارےکہ ایم ڈی کیٹس نا امتحان اٹی شفافیت ءِ ہرحال اٹ پک کننگک، ایم ڈی کیٹس نا پیپرآتیٹی لیکج ءِ سگنگ پننگک۔ چارشنبے نادے آ وزارت جان جوڑی آن جاری بیان نا رداٹ داخیال آتا درشانی ءِ او تینا کماشی ٹی وزارت جان جوڑی و ماتحت ادارہ غاتا سروک آتا دیوان اٹی گپ وتران کرساکرے۔ دیوان نا مسخت جان جوڑی نا بشخ اٹی اصلاحات ءِ پک کننگ کن گام گیج آتا جاچ ءِ ہلنگ ئس۔ دیوان اٹی ڈاکٹر مختاراحمد بھرتھ پارت کرے کہ ادارہ غاتا سروک آک تروک آ ہدف آتے تروک آ ڈیڈلائن نا رداٹ پک کیر۔ پی ایم ڈی سی ڈگری تے پک، رجسٹریشن و لائسنسنگ نا بارواٹی درخواست آتے دمدستی بنداوآتیا سرایتے۔ ایم ڈی کیٹس نا امتحان اٹی شفافیت ءِ ہرحال اٹ پک کننگے۔ ایم ڈی کیٹس نا امتحان اٹی شفافیت اتنگ کن غٹ اسٹیک ہولڈر آتون میٹنگ کیر۔ ڈاکٹر مختار احمد بھرتھ پارت کرے کہ بنجا و صوبہ غاتا یونیورسٹیک ہرا امتحان تے اڈ ترفرہ اوفتے تون اواری اٹ مربوط حکمت عملی اس جوڑ کیر۔ ایم ڈی کیٹس نا پیپرآتیٹی لیکج ءِ سگنگ پننگک۔ ایم ڈی کیٹس انا امتحان اٹی پیپرآؤٹ مننگ ناغاوک چٹر۔ پی ایم ڈی سی تعلقدار سٹیک ہولڈر آتون میٹنگ آن پد وزارت جان جوڑی ءِ نوشتہی وڑاٹ معلومدار کے۔ وزارت جان جوڑی ٹی پوسکن آ کالج آتا رجسٹریشن نا بارواٹی ملوک آ درخواست آتے اسہ ہفتہ نا تہہ ٹی سرتننگے۔ اوپارےکہ پاکستان نا میڈیکل ایجوکیشن ءِ بڑزکو آب انا رداٹ جوڑ کروئی مریک تانکہ فارن سٹوڈنٹ آک پاکستان نا میڈیکل کالج آتیٹی تعلیم دوئی کیر۔ ایگزیکٹیو ڈائریکٹر پمز ہسپتال نا اندرونی و بیرونی سفائی نا نظام فاسٹ ٹریک آ پک کے۔ ہسپتال ءِ تروک آ تینا ہدف آتے وخت آ پورو کیر۔ ڈاکٹر مختار احمد بھرتھ پارے کہ این آئی آر ایم ہسپتال ءِ اپ گریڈ کننگک۔ این آئی آرایم ہسپتال ءِ پوسکن آوڑتتون ہم گرنچ کننگ نا گرج ءِ۔ ایگزیکٹیو ڈائریکٹر این آئی آرایم 10 دے انا تہہ ٹی ہسپتال نا گچینی کن پوسکن آ خواست آتا رداٹ سلاو سوج مرتب کیر۔ ہیلتھ ٹورازم ءِ مون آ دننگ کن مربوط و جوان ءُ پلان اس جوڑ کننگے۔ پاکستان اٹ ہیلتھ ٹورازم نا بھاز پوٹینشل ساڑی ءِ۔
