اسلام آباد۔27اگست (اے پی پی): مزن وزیر محمد شہباز شریف ءَ تیراہ ءِ دمگ ، ضلع خیبر ءَ درئی ناشرکاری ، وت سرئیں اسلام ءُ جماع الاحرار ءِ ناشرکاری آنی ھلاپ ءَ کامیاتیں آپریشن ءِ پد ءَ سیکورٹی فورسز آناں ساڑاتگ ءُ گوشتگ کہ ملک ءَ ایمنی ءِ برجائی ءِ واستہ پاکستانی ارد آنی بے دروریں قربانی آناں اچبر بے ھیال کنگ نہ بیت، سئے شمبے مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشتگ کہ پاکستان ءِ ارد دلیر یں اپسرگ ءُ ورنا آنی کزبی ازمکاری ءُ دلیری ءِ درشان ءَ کنان ءَ نامیگیں ڈنگ ءُ ناشرکار آں ھوار 25 ناشرکار آناں جہندم ءَ روان دیگ بوتگ ءُ یازدہ آناں ٹپیگ کتگ ءُ دزگیر کتگ۔ آئیءَ گوشتگ کہ آپریشن ءِ ساھت ءَ جام شہادت نوش کنوکیں ارد پاکستان ءِو رنا آناں من ءَ ھوار سرجمٰں راج توسیپ ءُ ستا پیش کنت۔ مزن وزیر ءَ گوشتگ کہ ملک ءَ ایمنی ءُ برجائی ءِ واستہ پاکستان ءِ ارد آنی بے دروریں قربانی نمیران انت، ناشرکار زوت ملک ءَ چہ سرجمی ءَ ھلاسی بنت آوانی ھلاپ ءَ جنگ ءَ را برجا دار آں۔ مزن وزیر ءَ گوشتگ کہ فتنہ الخوارج ءَ را اچ رنگ ءَ ملک ءِ بے ایمنی ءَ را ڈگار جنگ ءِ موہ نہ دیاں۔ ناشرکاری ءِ ملک ءَ چہ ھلاسی ءِ واستہ سرجمیں راج پاکستان ءِ ارد ءِ گوما ھمکوپگ ءَ اوشتاتگ۔
