اسلام آباد۔27اگست (اے پی پی):نائب مزن وزیر ءُ وزیر ءِ درئی کار سینیٹر محمد اسحاق ڈار ءَ گوشتگ کہ بلوچستان پاکستان ءِ ارزشتی ایں صوبگ انت، گوست ءَ ما ناشرکاری ءِ ھلاسی کتگ ءُ ملک ءَ را معاشی رنگ ءَ طاقتور جوڑ کتگ، پاکستان دگنیا ءِاولی بیست معیشت آنی تہءَ ھوار بوھگ ءِ تیاری ءَ کنگ ءَ بوتگ، انوں ھم دیر نہ بوتگ، درستیں گل آناں یکجائی ءَ نندگی انت، سئے شمبے ءَ ایوان ءِ بالا ءِ دیوان ءَ ھیال آنی درشانی ءَ کنان ءَ ایوان ءِ سروک سینیٹر اسحاق ڈار ءَ گوشتگ کہ اے ملک مئے درستان انت، مارا درستانی ایشرا رکھینگی انت، انوگ ءَ تاں ناراضگی ءَ چہ باز چیز دیم ءَ شتگ انت، مارا درستاناں یکجائی نندگی انت ءُ کار رپک ءِ جوڑ کنگی انت۔ آئیءَ گوشت کہ بلوچتان ءَ گوستگیں روچ ءَ ارچی بوتگ ایشی ءِ سر ءَ ھمک پاکستانی ءِ دل گمیگ انت بلوچستان مئے درستانی دلءِنزیک انت، مرچی بنجاھی کایبہ ءَ ھم ایشی ءِ سر ءَ سرجمیں گپ بوتگ۔ زوت مزن وزیر بلوچستان ءَ روت وھدیکہ وزیر ءِ تہی کار بلوچستان پج اتگ، بلوچستن ءَ ارچی بوتگ باز اپسوزی انت، ریاست پاکستان ءَ را منوک آنی گوما سول ءُ تران بوت کنت۔ آئیءَ گوشت کہ کوھانی سر ءَ لکپوکیں بے کسوریں مردم آناں کشوکیں مردم آناں سک باز مذمت کناں۔ ما ھمک رنگ ءَ ناشرکاری ءَ را ھلاس کناں ءُ ایمنی ءَ را برجا داراں۔ گوست ءَ اے پی ایس ءَ چہ پد ھم سیاسی گل آں یکجائی ءَ ناشرکاری ءِ ھلاسی ءِ واستہ یک مشت بوتگ انت۔ آئیءَ گوشت کہ گوست ءَ آپریشن ضر عضب ، آپریشن رد الفساد گوں کامیاتی ءَ بوتگ، ما اے آُریشنز آنی واستہ سد ارب کلدار ھمک سال پجاری کتگ ایش راستیں گامگیج بوتگ۔ آئی ءَگ وشت کہ گوستگیں دور ءَ تچوکی ناشرکاری آناں واپس ءَ آرگ بوتگ۔ اے پیسلہ ھراب بوتگ آسر مئے دیم ءَ انت۔ آئیءَگ وشتگ کہ بلوچستان ءَ ارچی بوتگ اے شر نہ بوتگ انت۔ سرجمیں راج یک مشت انت، ناشرکار آنی سرجمیں ھلاسی ءَکناں۔ آئیءَگ وشت کہ ارکس اے رنگیں واکیہ آنی گوما دست مانجن انت آوانی ھلاپ ءَ ریاست گوں ترندی ءَ کاروائی کنت۔ آئیءَ گوشت کہ ارچ مردم ناراض انت آوانی گوما گپ بوت کنگ بلے اگاں کوہانی تہءَ چیر بنت مردم آنی سر ءَ ارش کن انت گڈا اے رنگیںمردم آنی گوما اچ رنگیں گپ بوت نہ کنت۔
