کوئٹہ۔ 27 اگست (اے پی پی): سر وزیر بلوچستان میر سرفراز بگٹی ءُ بنجاھی وزیر تہی کار محسن نقوی ءِ سروکی ءَ بلوچستان ءَ ایمنی ءِ ھوالگ ءَ ھاسیں دیونا ءِ سئے شمبے ءَ ادا سر وزیر سیکرٹریٹ ءَ برجم بوت۔ دیوانءَ چیف سیکرٹری بلوچستان شکیل قادر خان ایڈیشنل چیف سیکرٹری تہی کار شہباب الدین انسپکٹر جنرل پولیس عبدالخالق شیخ، ترجمان بلوچستان حکومت شاہدرند ، ڈیآئی جی سی ٹی ڈی اعتزاز حسین گورایاڈی آئی جی اسپیشل برانچ ڈی جی لیوز ءُ کانود ءَ را مھکم داروکیں ٹوھیں ٹوھیں اپسرگ اے دیوان ءَ ساڑی اتنت۔ دیوان ءَ صوبگ ءَ ایمنی ءِ جاور آنی بابت ءَ چار ءُ بچار ی کنگ بوت ءُ محکمہ تہی کار بلوچستان ءِ نیمگ ءَ شریکیں مردم آناں صوبگ ءِ جتا جتائیں دمگ آنی تہءَ ناشرکاری ءِ استیں واکیہ آنی بابت ءَ بریفنگ دات۔ دیوان ءَ شریکیں مردم آں بلوچستان ءَ مھکمیں دیمروئی ءُ ایمنی ءِ واستہ بنجاھی ءُ صوبائی حکومت آنی نیام ءَ جوانیں گامگیج آنی بابت ءَ تپاک کنانءَ پولیس ءُلیویز ءِ کزبی کار ءُ کار رپک آنی گیشی، بلوچستان پولیس ءَ را نوکیں دور ءِ سامان آنی پجاری ءُ پولیس اپسرگ آنی کمی آناں دور کنگ ءِ وستہ نوکیں اے ایس پیز آناں بطور اسپیشل کیس بلوچستان ءَ پوسٹ کنگ ءِ پیسلہ ھم کت۔ دیوان ءَ منوگر کنگ بوت کہ بلوچستان ءَ سیکورٹی ءِ جاور ھال آناں گہتر جوڑ کنگ ءِ واستہ پکاریں فنڈز آنی منظوری ءِ واستہ ایپکس کمیٹی ءَ چہ منظوری زورگ بیت وھدیکہ چمن ءَ پاسپورٹ ءِ زوت جاڑی کنگ ءِواستہ اسٹاف ءُ آسراتی آنی تہ ء گیشی کنگ بہ بیت۔ دیوانءَ اے ھم منوگر کنگ بوت کہ سوشل میڈیا ءِ سر ءَ ریاست ءِ ھلاپ ءَ چست ءُ ایر ءُ پروپیگنڈا آنی گر ءُ دار ءِ واستہ ایف آئی اے ءِ جوانیں کاروائی کنت انت ءُ اے رد ءَ ڈائریکٹر ایف آئی ا ے کوئٹہ ءَ استیں جاور ھال آنی مانیٹرنگ کنت انت۔ دیوان ءَ ھیال آنی درشانی ءَ کنان ءَ سر وزیر بلوچستان میر سرفراز بگٹی ءُ بنجاھی وزیر تہی کار محسن نقوی ءَ گوشتگ کہ بلوچستان ءَ ایمنی ءِ برجائی ءِ واستہ توامیں استیں آسراتی آناں کارمرز کنان ءَ الس آنی جانی ءُمالی رکھینگ ءَ را ھمک رنگ ءَ دل یکیمی جوڑ کنگ بیت ءُ ریاست ءِ رٹ ءَ را ھمک رنگ ءَ برجا دارگ بیت، پاکستانءِھلاپءَ ھمک رنگ ءَ پندل آناں وت مہ وتی یکوئی ءُ تپاکی ءَ چہ ناکام جوڑ کنگ بیت۔
