اسلام آباد۔27اگست (اے پی پی):پاک بحریہ جنگی جہاز پی این ایس یرموک ءِ ریجنل میری ٹائم سیکورٹی پٹرول ءِ ساھت ءَ عمان ءِ تر ءُ تاب کت۔ پی این ایس یرموک ءَ رائل نیوی آف عمان ءِ جہا ز ءِ گوما زرئی ایکسرسائز آنی تہ ءَ بھر زرت۔ آئی ایس پی آر ءِ رد ءَ اے ایکسرسائز آنی مول ءُ مراد زرئی ارد آنی نیام ءَ وت مہ وتی آنی دیمروئی دیگ ءُ زر ءَ گیر کانودی چست ءُ ایر آنی گر ءُ دار کنگ ءُ دمگی ایمنی ءُ برجائی ءِ جوڑیشت انت۔ عمان ءِ تر ءُ تاب ءِ ساھت جہاز ءِکمانڈنگ اپسرگ ءَ عمان ءِ اردی کارندہ آں گوں گند ءُ نند ءِ سھت ءَ وت مہ وتی واھگی کار آنی ھوالگ ءَ ھیال ریچی کت۔ پاک بحریہ سلامتی ءِ استیں ھوپ آنی ھلاپ ءَ دمگی ایمنی ءُ برجائی ءِ یکجائی مول ءُ مراد آنی چیر دستی ءَ ایندگر زرئی ارد آنیگوما یک شلی ءَ ایکسرسائز کنت انت۔ پاک بحریہ ءَ جنگی جہاز زر ءِ ڈسپلین ءَ را برجا دارگ ءِ واستہ ریجنل میری ٹائم سیکورٹی پٹرول ءَ را یک شلی ءَ ساڑی انت۔ عمانءِ تر ءُ تاب ءُ زری ایکسرسائز آنی تہ ءَ ھواری پاک بحریہ ءِ نیمگ ءَ چہ دمگی برجائی، میاں اوستمانی کمک ءُ زرئی ازمکاری آنی دیمروئی ءِ جزم ءِ سہرائیں در ور ات۔
