اسلام آباد۔27اگست (اے پی پی): بنجاھی وزیر منصوبگ بندی ءُ دیمروئی کار احسن اقبال ءِ سروکی ءَ مزن وزیر ءَ گوستگیں تر ءُ تاب چین ءِ ھوالگ ءَ ارزشتی ایں دیوان ءِ برجم بوت ایشی ءَ صوبگ آنی تہ ءَ کشت ءُ کشاری کلانہ آںاں چین ءَ روان دیگ ءِ ھوالگ ءَ ھیال ریچی کنگ بوت۔ اے موہ ءَ گوں تران کنان ءَ بنجاھی وزیر احسن اقبال ءَ گوشت کہ کشت ءُ کشاری شوبگ ءَ چین ءِ ازمکاری ءُ ٹیکنالوجی ءَ چہ سیت چست کنگ لوٹ ائیت، بنجاھی حکومت جندی سرمایہ کاری ءَ را توامیں استیں آسراتی پجاری کنگ ءِ واستہ جزمیگ انت۔ آئی ءَ گوشت کہ گیر ملکی سرمایہ کاری ءِ کشک ءَ پینگ آناں دور کنگ ءِ واستہ گامگیج کنگ ءَ انت، تجارت ءُ سرمایہ کاری ءِ واستہ جوانیں ایٹماسپیئر ءِ پجاری ءَ را دل یکیمی جوڑ کنگ ءَ آں، تجارتی ڈل آنی روگ ءُ آیگ ءَ را چہ دوئیں ملک آنی پرائیویٹ شوبگ آنی نیام ءَ دل یکیمی برجا کنگ ءَ کمک رسیت۔ احسن اقبال ءَ گوشت کہ چینی کلانہ سرمایہ کاری ءُ کارندہ آنی رکھینگ ءَ را دل یکیمی جوڑ کنگ ءِ واستہ توامیں نمونگ ءِ آسراتی آناں کارمرز کنگ ءَ آں، پاکستانی سرمایہ کار آنی واستہ ویزا ءِ گرگ ءَ آسانی ءِ واستہ چینی سفارتخانہ ءَ گوں گپ ءُ تران کنگ بیت۔ آئی ءَ گوشت کہ چینی صنعت آنی پاکستان ءَ آیگ ءِ ھوالگ ءَ فریم ورک یک ھپتگے ءَ سرجم کنان ءَ پیش کنگ بیت، فریم ورک ءَ صنعتی شوبگ اے کوالٹی ءُ آسر آنی ٹک ءُ نشان ءَ بکنت۔
