اسلام آباد۔ 27 اگست (اے پی پی) بنجائی وزیر توانائی( پاور ڈویژن) سردار اویس احمد خان لغاری پارینے کہ 26 اگست آنیشنل الیکٹرک پاور ریگولیٹری اتھارٹی (نیپرا) ننا پٹیشن نا سماعت ءِ کرینے و اگہ ننا پٹیشن ءِ امنا کننگا تو اونا رداٹ سہ ماہی ٹیرف ایڈجسٹمنٹ (کیوٹی اے) نامد اٹی ستمبر آن نومبر نا بل آتا تہہ ٹی 96 پیسہ فی یونٹ ناودکی مریک و فیول چارجز ایڈجسٹمنٹ (ایف سی اے) نا مد اٹی 2 روپئی 87 پیسہ نا کمتی بریک۔ سے شنبے نادے آمیڈیا تون گپ وتران کرسا اوپارے کہ خراج نا اثرآن پد صارف آتے 2 روپئی 37 پیسہ فی یونٹ کم تروئی تمک، بجلی نا نہاد آتیٹی پدریسہ ودکی نا تاثر غلط ءِ۔ بنجائی وزیر پاور ڈویژن پارے کہ پاور سیکٹراٹی بجلی نا نہاد آتا تعین ءِ نیپرا ءِ کروئی مریک ہرا ہر مسہ تُو آن پد بجلی نا نہاد آتا تعین ءِ کیک، نہاد آتا تعین ءِ ہرتُو اکن کیوٹی اے و ایف سی اے نا مد اٹی کننگک۔ اویس لغاری پارے کہ بجلی نا نہاد آتا تعین کن پٹیشنز دائر کننگک ، نیپرا نا فیصلہ غاتے غلط زاویہ اٹ بایدے ہُننگپ۔
