اسلام آباد۔ 27 اگست (اے پی پی) ڈپٹی چیئرمین سینیٹ سیدال خان بنجائی وزیر صنعت و پیدوار رانا تنویر حسین نا ایلم و پنجاب اسمبلی نا باسک رانا افضال حسین نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی کلہو اٹی ڈپٹی چیئرمین سینیٹ ایماندار نا خاہوت تون ہمدردی نا درشانی ءِ کرسا اللہ تعالیٰ آن ایماندار نا بخشش، درجہ غاتا بڑزی و غمزدہ خاہوت کن صبروجمیل نا دعاکرے۔ سیدال خان پارے کہ ایماندار نا سیاسی و راجی خذمت آتے مدام یات تخنگک، پاکستان نا شونداری و شونہالی ٹی اونا خذمت آک سفت نا قابل ءُ۔
