اسلام آباد۔27اگست (اے پی پی): ملک ءِ مستر آصف علی زرداری ءَ چین ءِ پیپلز لبریشنن آرمی ءِ خمانڈر گراؤنڈ فورسز جنرل لی چیاؤمنگ ءَ را نشان امتیاز ملٹری داتگ۔ چین ءِ پیپلز لبریشن آرمی ءِ کمانڈر گراؤنڈ فورسز آناں نشان امتیاز ملٹری داد کنگ ءِھاسیں مراگش سئے شمبے ءِ روچ ءَ ایوان ءِ صدر ءَ برجم بوت ایشی ءِ اندر ءَ مزن وزیر محمد شہباز شریف ءُ چیف آف آرمی اسٹاف جنرل سید عاصم منیر ءَھوار سروسز چیفس ءُ باسک پارلیمنٹ ءَ بھر زوری کت۔ مراگش ءَ گیر ملکی سفارتکار ءُ ٹوھیں سول ءُ اردی کارندہ ھم شریک اتنت۔ جنرل لی چیاؤنگ منگ ءَر ا پاک چین دیمپانی یکوئی آناں ودینگ ءَ جوانیں ازمت آنی توسیپ ءَ نشان امتیاز ملٹری داد دات۔ مراگش ءَ جنرل ی چیاؤمنگ ءِ چیل سال آنی کیریئر ءُ چینی ارد آنی جوانیں ازمت آنی تران کنگ بوت۔ ایشانی ازمکاری، انتظامی بلدکاری ءُ آئی ءَ دلیریں ءُ لائکیں اپسرگے ءِ رنگ ءَ نامدار کتگ ایش چین ءُ ایشی ءَ چہ ڈن ایمنی ءُ برجائی ءَ را دیمروئی دیگ ءَ اشتی انت۔ جنرل لی چیاؤمنگ چین ءِ کش ءُ کرا ایمنی ءُ برجائی ءَ را برجم دارگ ءَ وتی لس کزبی ھیال کاریءُ ازم ءِ واستہ مشہور انت۔ پاکستان ءِ دوست ءِ بستا ر ءَ آئی ءَ جزم ءِ گوما پاک چین اردی یکوئیآناں گیش مھکم کتگ۔ آءیءِ جوانیں ازمت ءُ کد ءُ بالاد آنی توسی ءَ ملکءِ مستر ءِ بستار ءَ جنرل لی چیاؤمنگ ءَ را نشان امتیاز ملٹری ءِ دات داتگ۔
