اسلام آباد۔26اگست (اے پی پی): بنجاھی وزیر ھزانگ ءُ گپت ءُ گیر سینیٹر محمد اورنگزیب ءَ گوشتگ کہ حکومت برآمدات آنی رد ءَ معیشت ءُ نمبگ آناں یک شل ء گیر ملکی سرمایہ کاری ءِ نیمگ ءَ دلگوش کنگ ء انت، ملک ءَ کاروبار ءُ سرمایہ کاری ءِ واستہ جوانیں جاور آنی جاری حکومت ءِ اولی ترجی آنی تہءَ ھوار انت۔ آئیءَ اے گپ دو شمبے ءَ فن لینڈ ءِ دیمروئی مالیاتی ادارگ فن لینڈ ءِ نماھند آنتی پاررٹینن ءَ گوں گند ءُ نند ءَ گوشت۔ گند ءُ نند ءَ پاکستانی سرمایہ کاری ءِ استیں موہ پٹ ءُ پول کنگ ءِ نیمگ ءَ دلگوشی کنگ بوتگ۔ وزیر ءِ ھزانگ ءَ فن لینڈ ءِ نماھند آناں پاکستان ءَ کلی معیشت ءِ ٹک آنی جوانیں گہتری ءُ کوکا ءِ ایجنڈا آنی سر ءَ چمشانک دات۔ آئیءَ گوشت کہ حکومت فیڈرل بورڈ آف ریونیو ایف بی آر ءِ ڈجیجیٹیلائزیشن ، ھاٹیگ ءُ ریاستی ملکیتی ادارگ آنی گہتری ءُ پرائیویٹائزیشن ءِ ھوالگ ءَ گامگیج کنگ ءَانت۔ آئی ءَ گوشت کہ برآمدات آنیرد ءَ معیشت ءُنمبگ ، برآمدات آنی بنیات ءَ شاھیگانی ءُ یک شلی ءَگیر ملکی سرمایہ کاری ءِ نیمگ ءَ دلگوش کنگ ءَ حکومت ءِجوانیں دلگوشی است انت۔ فن لینڈ دیمروئیادارگ ءِ نماھندگ ءِ ڈیجیٹل انفراسٹرکچر، جوانیں ھاٹیگ ، کشت ءُ کشار ءُ جنگل آںی شونگ آنی تہءَوتی واھگ ءِد رشان کتگ۔ آئیءَ فن فنڈ ءِ نیمگ ءَ ملک ءِ جتا جتائیں شوبگ آنی تہ ءَسرمایہکاری ءِ واستہ دلگوشی ءِ درشان ھم کت۔ بنجاھی وزیر ءَ پاکستان ءَ کارونار ءُ سرمایہ کاریءِو استہ جوانیں ماحول ءِ پجاری ءِ ھوالگءَ چہ حکومتی جزم ءِ درشان کت۔
