راولپنڈی ۔26اگست (اے پی پی):سکیورٹی فورسز آں بلوچستان ءِ جتا جتائیں دمگ آنی تہ ءَ آپریشنز آنی ساھت ءَ 21 ناشرکاری آناں جہندم ءَ روان داتگ، تیر گواری ءِسبب ءَ پاک فوج ءِ 14 ورنا شہید بوتگ انت، آئی ایس پی آر ءِ رد ءَ 25 ءُ 26 اگست 2024 ءِ نیامی شپ ءَ ناشرکار آں بلوچستان ءَجتا جتائیں نہ وشیں کاروائی کنگ ءِکوشست کتگ۔ ناشرکار آنی داتگیں پنت ءُشون ءِپد ءَ کتگیں لگوریں ناشرکاری کاروئی آنی مول ءُ مراد بلوچستان ءِایمنی ءُدیمروئی ءَ را تاوان پجارینگ ءِکوشست انت۔ ناشرکار آنی پنت ءُ شون ءِ پد ءَ کتگیں اے لگوریں ناشرکاری کاروائی ءِ مول ءُ مراد بلوچستان ءِایمنیں جاور جاور ءُ دیمروئیءَ را تاوان پجارینگ انت۔ ایشانی تہءَ موسی خیل، قلات، ءُلسبیلہ ءَکودکیں شہری الس آناں نشانگ بندگ بوتگ۔ اے واکیہ آنی نتیجگ ءَ بازیں بے کسوریں مردم آماچ بوتگ انت۔ موسی خیل ضلو ءَناشرکار آں راراشام ءِ لس دمگ ءَ یک بسے داشتگ ءُ بے کسوریں مردم آناں کشتگ بلوچسستان ءَ وتی مزوری ءِ واستہ بوتگ انت۔ سیکورٹی فورسز ءُ کانود ءَرا مھکم داروکیں ادارگ آں زوتیں کاروائی کنان ءَ ناشرکا ر آنی نہ وشیں جزم آناں ناکام کتگ ءُ پسوئی کاروائی ءِساھت ءَ 21 ناشرکار جنگ ءُ جہندمی کنگ بوتگ۔ ایشی ءَ چہ ھندی آباتی آنی رکھینگ ءُ سیکورٹی ءَ را دل یکیمی جوڑ کنگ بوتگ۔ پدا ھم اے کاروائی آنی ساھت ءَ 14 دلیریں ورنا ایشانی تہءَ 10 سیکورٹی فورسز آنی ورنا ءُ 4 کانود ءَ را مھکم داروکیں ادارگ آنی کارندہ ھوار انت۔ دلیری ءَ گوں جنگ کتگ ءُ شہید بوتگ انت۔ دمگ ءَ کلیئرنس آپریشن جاڑی انت۔ آئی ایس پی آر ءَ گوشتگ کہ اے لگوریں کاروائی آں گوں دست ماجنیں مردم ءُ آوانی آسراتی دیوک آناں گرگ ءُ کانود ءِپنجگ آں آرگ بیت۔ اے ناشرکار کودکیں الس آناں آماچ کنگ ءَ انت۔ پاکستان ءِسیکورٹی فورسز ءُکانود ءَ را مھکم داروکیں ادارگ راج ءِ گوما ھمگامی ءَ بلوچستان ءِ ایمنی، برجائی ءُ دیمروئی ءَ را ڈگار ءَ جنگ ءِکوشست ء َ را ناکام جوڑ کنگ ءِواستہ جزمیگ انت۔ مئے دلیریں ورنا آنی اے قربانی مئےجزم ءَ را مھکم کن انت۔
