اسلام آباد۔26اگست (اے پی پی): مزن وزیر محمد شہباز شریف ءَ بلوچستان ءِ جتا جتائیں دمگ آنی تہءَ ناشرکار آنی ھلاپ ءَ آپریشنز آنی ساھتءَ جام شہادت نوش کنوکیں سیکورٹی فورسز آنی ورنا آناں توسیپ ءُ ستا پیش کنان ءَ گوشتگ کہ ناشرکاری ءِ لگوریں کاروائی مئے جزم ءَ را پروش دات نہ کنت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوشتگ کہ سیکورٹی فورسز آنی وھد ءُموہ ءِ سر ءَ کاروائی ءَ ناشرکاری ءِ جزم ءَ را گوں ھاک ءَملارینتگ، سرجمیں راج وتی دلیریں سیکورٹی فورسز آنی گوما ھمگام ءَاوشاتگ، آئی ءَ گوشت کہ ما شہید آنی بے دروریں قربانی آناں سلام پیش کناں، ھمک رنگیں ناشرکاری ءَ را گوں بن چلوک ءَھلاس کناں۔ مزن وزیر ءَ شہید آنی درجگ آنی برز ءُ بلندی ءِ واستہ دعا ءِ نیک کتگ ءُ دلپدردیءِ درشان کتگ۔
