اسلام آباد۔ 26 اگست (اے پی پی) وزیراعظم محمد شہبا زشریف تون سکواش ناپنی آ گوازی گر و مسکوہی جہانی و برٹش اوپن چیمپئن جان شیرخان اوڑدہی کرے۔ وزیراعظم تعلقدار کمامدارآتے جان شیرخان نا درمان نا بابت ہرممکن گام گیج کننگ نا پارت کرے۔ دوشنبے نادے آ وزیراعظم میڈیا آفس آن جاری بیان نا رداٹ وزیراعظم جان شیرخان تون گپ وتران کرساپارے کہ ملک اٹی اسکواش نا گوازی ءِپنی کننگ و داگوازی نا مون آ دننگ کن نا خذمت قدرانا قابلءُ، نی تینا گوازی نا کمک اٹ پاکستان نا پن ءِ مچ آدنیاٹی روشنا کرے۔ وزیراعظم پارے کہ مچ آقوم نا سرسہبی تیا گمر کیک، حکومت ملک اٹی اسکواش تون اوار غٹ گوازی تا مون آ دننگ کن خاطرخواہ گام گیج کننگ اٹی ءِ ۔ وزیراعظم پارےکہ ورناتے گوازی تا پڑ و اسپورٹس نا گچین آسراتی تا فراوانی حکومت نا اولیت آتیٹی اوار ءِ۔
