اسلام آباد۔ 26 اگست (اے پی پی) چیئرمین وزیراعظم یوتھ پروگرام رانا مشہود احمد خان پارینے کہ سیکورٹیز ایکسچینج کمیشن اٹی اسہ تُو اٹی ریکارڈ 3 ہزار پوسکن آ کمپنی تا رجسٹریشن ملکی زرگزران اٹ گچینی نا شاہدی ءِ، وزیراعظم محمد شہباز شریف نا سخت خواری نا بھرمک مون آ بننگ ءُ۔ دوشنبے نادے آ وزیراعظم یوتھ پروگرام آن جاری بیان نا رداٹ اوپارے کہ سیکورٹیز ایکسچینج کمیشن جولائی ٹی کم و ود 3000 پوسکن ءُ کمپنی رجسٹرڈ کرینے ہرافتیان 86 کمپنی تیٹی فارن انوسٹمنٹ کننگانے۔ رانا مشہود احمد خان پارے کہ ایس ای سی پی ٹی ریکارڈ کچ اٹی کمپنی تارجسٹرڈ مننگ زرگزران اٹ گچینی نا شاہدی ءِ ، وزیراعظم محمدشہباز شریف نا سخت خواری نا بھرمک مون آبننگ ءُ۔ اوپارے کہ درملکی انویسٹمنٹ پاکستان نا زرگزران آ پت ءِ ظاہر کیک ۔ ملکی زرگزران انشاء اللہ بھاز زوت سوگو مریک۔
