قصور پولیس ءِ گرینڈ سرچ آپریشن  ءَ 7 ملزم دزگیر کنگ بوتگ اَنت

قصور.  26 اگست (اے پی پی):قصور پولیس  بازیں نفری ءِ گوما گرینڈ سرچ آپریشن ءِ وہدءَ 7 ملزم آناں دزگیر کتگ۔ اے گپ ءِ درشانی قصور ءِ  ڈی پی او محمد عیسیٰ خان ءَ  کتگ ۔ آئی ءَ حا ل داتگ کہ سرچ آپریشن  تھانہ کوٹر ادھا کشن ءِ دمگ میر صاحب، ہندال ، چھینہ اوتاڑ ءُ  پیمار اوتاڑ دیہات ءَ کنگ بوتگ کہ آئیءِ تہا 07 ملزم  دزگیر کتگءُ 03 منشیات بہا کنگءِ مقدمات   درج کتگءُ چارسیرءُ نیم چرس ءُ 30 لیٹر شراب برآمد کتگ ، ہمے وڑءَ ناجائز سلاہ ءِ 02 مقدمہ کتگ ءُ  03 وتاس   دست کپتگ۔ آئی ءَ گشتگ کہ  دُزءُ ڈُنگی ءِ مقدمہ آں   لوٹ بوتگیں 02 ڈُنگ دزگیر کنگ بوتگ اَنت۔ قصور ءِ  ڈی پی  اوءَ گشتگ کہ سرچ آپریشن ءِ تہا ایس ایچ او  راؤ دلشاد علی، تھانہ ءِ نفری، لیڈی سٹاف ءُ ایلیٹ ءِ ورناہ آں بہر زُرتگ۔  کساس 50 لوگاں پٹّگ بوتگ، 110 ءَ چہ گیش مردماناں جستءُ پُرس  کنگ بوتگ۔ سرچ آپریشن ءِ مول ءُ مراد جرم ءَ ہواریں مردماناں دزگیر کنگءُ امنءُ ایمنی جوڑ  کنگ الم کنگ ایں۔ ضلع ءَ را  دُزءُ ڈُنگاں چہ پاک کنگ ءُ امنءُ ایمنی ءِ  جاہ جوڑ کنگ بیت۔ ضلعی پولیس  شہری  آنی جانءُ مال ءِ رکینگء ِ ھاترءَ شپءُ روچ کوشست کنگءَ ایں۔