اسلام آباد۔26اگست (اے پی پی): مزن وزیر محمد شہباز شریف ءَ بلوچستان ءِ دمگ موسیٰ خیل ءَ مسافر بسءِ سرءَ ناشرکارانی اُرشءِ سرءَ گمءُ رنج ءِ درشانی کتگءُ اے اُرش ءَ را ترندی ءَ ایر جتگ۔ دوشمبےءِ روچءَ مزن وزیر کارگس ءِ میڈیا ونگ ءَ چہ شنگ بوتگیں بیان ءِ ر دا مزن وزیر ءَ شہید آنی ھاترءَ مغفرتءُ پہ حاندانءِ ھاترءَ سگءُ اوپارءِ دعا کتگ۔ مزن وزیر ءَ ھندی انتظامیہ ءَ را حاندانی گوما سرجمیں کمک ءُ ٹپیگاناں زوت طبی کمک سرکنگءِ پنتء ُ شون کتگ۔ مزن وزیر ءَ کانود پہازوکیں ادارگاناں وئیل ءِ بابتءَ جستءُ پُرسءُ پٹءُ پول کنگءِ پنتءُ شون کتگءُ گشتگ کہ اے وئیل ءِ زمہ واراناں زوتاں چہ زوت سزا دئیگ بیت۔ مزن وزیرءَ گشتگ کہ ملک ءَ ایچ وڑیں ناشرکاری ءِ موکل دئیگ نہ بیت، ملک ءَ چہ ناشرکاری ءِ سرجمیں ہلاسی ءَ تاں ناشرکارانی حلاپ ءَ جنگ برجاہ بیت۔
