اسلام آباد۔ 26 اگست( اے پی پی ) مزن وزیر محمد شہباز شریف ءَ قلات ءَ ناشرکاری اُرش ءَ ترندی ءَ ایر جتگءُ وئیل ءِ کنوکیں زمہ واراناں زوتاں چہ زوت درگیجگ ءُ آیاناں سزا دئیگ ءِ پنتءُ شون کتگ۔ پی ایم کارگس ءِ میڈیا ونگ ءَ چہ دوشمبے ءِ روچءَ شنگ بوتگیں بیان ءِ ردءَ مزن وزیرءَ ناشرکارانی تیرگواری ءِ نتیجگءَ پولیس ءُ لیویز اہلکار ءُ شہری آنی شہید بوھگءِ سرءَ گم ء ُ رنج ءِ درشانی ک تگ، آئی ءَ شہید آناں دادءُ سلام پیش کتگءُ آیانی درجگانی مزنی ء ُ پُشپدآنی ھاترءَ سگءُ اوپار ءِ دعاکتگ۔ مزن وزیرءَ پنتءُ شون کتگ کہ ٹپیگاناں زوتاں چہ زوت جانءُ سلامتی ءِ آسراتی دئیگ بہ بیت۔ آئیءَ گشتگ کہ ناشرکاری ءِ ہلاسی ءَ تاں اے جنگ برجاہ بیت، امنءُ ایمنی جوڑ کنگءِ ھاترءَ پولیس ءُ سکیورٹی ادارگانی بے مٹیں قربان کدی ہم شموشگ نہ بنت۔ مزن وزیر ءَ گشتگ کہ ناشرکارانی مولءُ مراد کدی ہم سوبمند نہ بنت، ناشرکاری ءِ حلاپءَ اے جنگءَ سرجمیں راج سکیورٹی فورس آنی گوما ہم کوپگ اَنت۔
