اسلام آباد۔26اگست (اے پی پی): مزن وزیر محمد شہباز شریف ءَ ایران ءَ دو شمبے ءِ روچءَ یک دگے بس وئیلءَ پاکستانی زیارت کنوکانی بیرانیانی سرءَ دلپدردی ءِ درشانی کتگ۔ دوشمبے ءِ روچءَ مزن وزیر کارگس ءِ میڈیا ونگ ءَ چہ شنگ بوتگیں بیان ءِ ردءَ مزن وزیر ءَ بیران مردمانی ھاترءَ مغفرت ءُ پہ پُشپدآنی ھاترءَ سگءُ اوپار ءِ دعا کتگ۔ مزن وزیر ءَ پاکستانی سفارت خانہ ءَ را بیران بوتگیں مردمانی حاندانانی گوما سرجمیں کمک کنگءِ پنتء ُ شون کتگ۔ مزن وزیر ءَ پاکستانی سفارت خانہ ءَ را بیران بوتگیں مردمانی میتاناں زوت پاکستان ءَ سرکنگءِ گامگیج کنگءِپنت ءُ شون کتگ۔ مزن وزیرءَ پاکستانی سفارت خانہ ءَرا ٹپیگانی چارءُ گزار ءُ جوانیں جانءُ سلامتی ءِ آسراتی دئیگ ءِ ہم پنت ءُ شون کتگ۔ زانگ بہ بیت کہ دوشمبے ءِ روچءَ ایران ءَ پاکستانی زیارت کنوکانی بس یک ٹرّکے ءَ گوں ڈُھک لگ اِتگ کہ آئی ءِ نتیجگءَ کساس 48 مردم ٹپیگ بوتگ اَنت۔ پاکستانی زیارت کنوک اربعین ءَ ہوار بوھگءِ ھاترءَ ایران ءِ راہءَ عراق ءَ رؤگءَ بوتگ اَنت کہ آیانی بس ایران ءِ صوبہ فارس ءِ شہر نیریز ءُ صوبہ کرمان ءِدمگ سرجان ءِ نیامءَ بنجاہی دگ ءِ سرءَ یک ٹرکے ءَ گوں ڈُھک لگ اِتگ، کہ آئی ءِ نتیجگءَ سئے مردم بیران ءُ 48 مردم ٹپیگ بوتگ اَنت۔ س
