برسلز۔23اگست (اے پی پی):یورپی یونین، بیلجیئم ءُ لکسمبرگ ءَ پاکستان ءِ سفیر آمنہ بلوچ ءَ گوں فارن سروس آف پاکستان ءِ ورنا ئیں اپسرگ آنی یک گروپے ءَ گند ءُ نند کت ایش نیدر لینڈز ءِ کلینجینڈیل انسٹی ٹیوٹ ءَ سفارتی ھیل کاری در جنگ ءَ انت۔ آدینگ ءِ روچ ءَ پاکستانی سفارتخانہ آنی نیمگ ءَ جاڑیگیں بیان ءِ رد ءَ آمنہ بوچ ءَ ورنائیں اپسرگ آناں وش اتک کت انت۔ آءیءَ پاکستان ءِفارن سروس ھوار بوھگ ءَ را مبارک بات دات۔ آئیءَ میاں اوستمانی تک ءَ پاکستان ءِ سیت آناں دیم ءَ جنزینگ ءُ نماھندگی کنگ ءِ ورنا ئیں اپسرگ آنی ازم کار ی آنی سر ءَ دل یکیمی ءِ درشان کنان ءَ اے گپ ءَ را زور پر دات۔ کہ آ ملکءِسفارتی کوشست آنی تہءَ ارزشتی ایں کرد پیلو کن اَنت۔ وتی گشتانک ءِ ساھت ءَ پاکستانی سفیر ءَ اپسرگ آناں سفارتخانہ آنی کرد ءُ زمہ واری آنی بابت ءَ بریفنگ دات۔ آئیءَ وتی تجروبت شیئر کتگ انت ءُ یورپی یونین، بیلجیئم، لکسمبرگ ءُ نیٹو ءِ گوما پاکستان ءِ یکوئی آنی استیں جاور ھال ءُ آیوکیں باندات ءِ اوست آناں یک ٹوھیں چار ءُ تپاسی ءِ پیش کت۔ آئی ءَ اپسرگ آنی دلبڈی کت کہ میاں اوستمانی یکوئی آنی مٹ بوھوکیں لیکہ ھاسیں رنگ ءَ یورپی یونین وڑیں ارزشتی ایں شریکداری ءِ رد ءَ برجائیں رنگ ءَ دزگٹیں کار ات۔ ایشی ءَ ابید آواناں سبارگ ءِ دعوت ءِ دیگ بوت۔ ادا اپسرگ ءُ سفیر ءُ سفارتخانہ آنی ایندگر اپسرگ آں پاکستان ءِ سفارتی مشنز آنی تہ ءَ آیوکیں باندات ءِ کرد ءُ جاور ھال آنی بابت ءَ ھیال ریچی کنگ ءِ موہ رست۔
