مزن  وزیر محمد شہباز شریف ءِ حاسیں پنتءُ شون ءِ سرءَ ایران ءِ شہر یزد ءَ بس وئیل ءَ بیران بوتگیں  پاکستانی زیارت کنوکانی میت مرچی  پاکستانءَ آرگ بنت

اسلام آباد۔23اگست  (اے پی پی): مزن وزیر محمد شہباز شریف ءِ حاسیں پنتءُشون ءِ پدءَ ایران ءِ شہر یزد ءَ بس وئیلءَ بیران بوتگیں پاکستانی زیاررت کنوکانی میت مرچی ( جمعہ ءِ  روچ) سی ۔ 130 گرابءَ چہ ملک ءَ واتر آرگ بنت۔ جمعہ ءِ روچءَ شنگ کتگیں بیانءِ ردءَ پاکستان ائیرفورس کاسی۔130 گراب نورخان ائیربیس ءَ چہ ایران ءِ ھاترءَ رہادگ بوتگ کہ مرچی جمعہ ءِ روچءِ  3:30 بج ءَ یزد بالی پڑ ایران ءَ سربیت۔ پاکستانی زیارت کنوکانی میت مرچی ایران ءَ چہ ملک ءَ واتر آرگ بنت۔ مزن  وزیر محمد شہباز شریف ءِ جِند درائیں  جاورھالانی چارءُ تپاسی ءَ کنگءَ ایں۔ زانگ بہ بیت کہ وئیل ءِ آماچ بوتگیں بدبھتیں بس ءَ سوار 51 مسافرآں چہ 28 پاکستانی زیارت کنوک بیران بوتگ اَنت وہدے کہ 23 ٹپیگ بوتگ اَنت ءُ 14 زیارت کنوکانی   جاور سک ناگیگ  اَنت۔ یزد ، ایران ءَ چہ تاں لاڑکانہ ءَ گرمیں موسم ءِ سوب ءَ ایران ءَ پاکستان ءِ سفیر ءَ پاکستانی زیارت کنوکانی میت آناں  گراب ءَ چہ پاکستان ءَ دیم دئیگ ءِ  سفارش کتگ ۔ اے وئیل ءَ بیران بوتگیں پاکستانی زیارت کنوکانی تہا گیشرءِ سیادی لاڑکانہ سندھ ءَ چہ ایں۔