اسلام آباد۔23اگست (اے پی پی): بنجاھی وزیر ھزانگ ءُ گپت ءُ گیر سینیٹر محمد اورنگزیب ءَ گوشتگ کہ ترکیہ ءِ گوام بالی گراب آنی پڑ ءَ کمک آنی پدءَ پاک ترکیہ ءُ دو نیمگی یکوئی آنی یک ارزشتی ایں بھر ءُ پاکستان ءِ بالی گراب آنی پڑ ءَ صنعت ءِ دیمروئی دیگ ءِ ھوالگ ءَ مزن وزیر ءِ وژن ءِ رد ءَ انت۔ آئیءَ اے گپ ترکیہ ءِ پیگا …
ترکیہ ءِ گوما بالی گراب ءِ شوبگ ءَ کمک پاک ترکیہ دو نیمگی یکوئیانی بھر انت، وزیر ءِ ھزانگ محمد اورنگزیب ءِ ترکیہ ءِ پیگا سزائیر لائنز آنی چیئر پرسن ءَ گوں گند ءُ نند ءُ تران
گیشتریں ھال
اسلام آباد۔23اگست (اے پی پی): بنجاھی وزیر ھزانگ ءُ گپت ءُ گیر سینیٹر محمد اورنگزیب ءَ گوشتگ کہ ترکیہ ءِ گوام بالی گراب آنی پڑ ءَ کمک آنی پدءَ پاک ترکیہ ءُ دو نیمگی یکوئی آنی یک ارزشتی ایں بھر ءُ پاکستان ءِ بالی گراب آنی پڑ ءَ صنعت ءِ دیمروئی دیگ ءِ ھوالگ ءَ مزن وزیر ءِ وژن ءِ رد ءَ انت۔ آئیءَ اے گپ ترکیہ ءِ پیگا سز ائیر لائنز آنی چیئر پرس ن مہمت ٹی نان ءَ گوں گند ءُ نند ءِ ساھت ءَ تران کت ءُ گوشت۔ اے موہ ءَلکی سیمنٹ لمیٹڈ ءِ سی ای او محمد علی ٹبہ ھم ساڑی ات۔ مہمت ٹی نان ءَ ترکیہ ءِ بالی گران آنی پڑ ءَ گامگیج آنی سر ءَ چار ءُ تپاسی گپت ءُ آئی ءَ اے بھر آنی سر ءَ چمشانک دات ایش پاکستان ءَ بالی گراب ءِ شوبگ ءَ را سیت پجاری کت کنت۔ آئیءَ گوشت کہ پاکستان وتی ایو ایشن انڈسٹری ءَ را دیم ءَ ودینگ ءِ واستہ ترکیہ ءِ تجروبت ءُازمکاری آں چہ سیت چست کت کنت۔ سینیٹر محمد اورنگزیب ءَ ترکیہ ءِ وزیر تجارت ءِ گوما استیں گند ءُ نند آنی ھم تران کت ایشی ءِ تہءَ پریک آنی تجارت ءُ کاروباری کمک آنی جتا جتائیں رپک آنی ھوالگ ءَ ھیال ریچی کت۔ آئی ءَ گوشت کہ اے گند ءُ نند پاکستان ءَ ترکیہ ءِ نیام ءَ ایوی ایشن ءَ ھوار جتا جتائیں شوبگ آناں مھکم جوڑ کنگ ءِ تران بریں گامگیج آنی بھر اِنت۔
