اسلام آباد۔یکم جولائی (اے پی پی) ملک ئِ صدر ممنون حسین ئَ گوں راجی کرکٹ ٹیم ئِ سروک سرفراز احمد ئَ کراچی ئَ گندءُ نند کتگ۔ راجی کرکٹ ٹیم ئَ را چیمپئنز ٹرافیئِ تہا راج دپتری سوبمندی ئِ سرئَ مراد بات داتگءُ صدر ئَ گشتگ کہ کپتان سرفراز احمد ءُ آئی ئِ ٹیم ئَ جہدءُ کوشستاں چہ اے بے مٹیں سوبمندی حاصل کتگ۔ آئی ئَ گشتگ کہ سرفراز احمد ئِ سروکیئَ پاکستان ئِ کرکٹ ئِ جوانیں ءُ درپشوکیں دورءُ زمانگ واتر پیدارک اِنت۔ ملکئِ صدر ئَ راجی کرکٹ ٹیمءُ کپٹن سرفراز احمدئِ جزبگئَ را ساڑاتگ ءُ اے اوستئِ درشانی کتگ کہ آئیئِ سروکیئَ کرکٹ ئِ پڑئَ سوبمندی ئِ سلسلہ جاری بیت۔
